Income tax laws: ઇન્કમ ટેક્સ ડિફોલ્ટના કેસમાં હવે જેલની સજાને બદલે દંડ ચૂકવી શકાશે

Income tax laws: સીબીડીટીએ જણાવ્યું છે કે ઇન્કમ ટેક્સ એક્ટ હેઠળના તમામ ગુનાઓ હવે "કમ્પાઉન્ડેબલ" ગણાશે. આનો અર્થ એ થયો કે ટેક્સપેયર્સ ચોક્કસ દંડની રકમ ચૂકવીને જેલની સજાથી બચી શકશે. આવા કેસોમાં ટેક્સ અધિકારીઓ દ્વારા નિર્ધારિત દંડની રકમની ચુકવણી કરવી પડશે.

ઇન્કમ ટેક્સના નિયમોમાં અમુક પ્રકારના ડિફોલ્ટ જેવા કે ટેક્સ રિટર્ન ફાઇલ ન કરવું, ટીડીએસ (TDS) જમા ન કરવું, ટેક્સ ચોરી કરવી કે ખાતાઓમાં ગેરરીતિ કરવી જેવા ગુનાઓ માટે જેલની સજાનું જોગવાઈ હતી. જોકે, નાણામંત્રી નિર્મલા સીતારામણે 2024ના બજેટમાં કમ્પાઉન્ડિંગ પ્રક્રિયાને સરળ બનાવવાની જાહેરાત કરી હતી.

ત્યારબાદ, સીબીડીટીએ 17 ઓક્ટોબર, 2024ના રોજ નવી માર્ગદર્શિકા જાહેર કરી હતી. આ માર્ગદર્શિકા મુજબ, કમ્પાઉન્ડિંગ એ એક એવી વ્યવસ્થા છે જે ડિફોલ્ટરને ચોક્કસ દંડ ચૂકવીને કાનૂની કાર્યવાહીથી બચવાનો વિકલ્પ આપે છે. સીબીડીટીએ તાજેતરમાં આ પ્રક્રિયા વિશે વધુ સ્પષ્ટતા કરતું સર્ક્યુલર (નંબર 04/2025) જાહેર કર્યું છે, જેમાં સવાલ-જવાબના માધ્યમથી સમગ્ર પ્રક્રિયા સમજાવવામાં આવી છે.

મુખ્ય ફેરફારો:-

-ઇન્કમ ટેક્સના તમામ પ્રકારના ઉલ્લંઘનોને કમ્પાઉન્ડ કરવાની મંજૂરી આપવામાં આવી છે.

-એક જ અરજીને બદલે એકથી વધુ અરજીઓ દાખલ કરવાની મંજૂરી.

-કમ્પાઉન્ડિંગ અરજી દાખલ કરવાની 36 મહિનાની સમયમર્યાદા દૂર કરવામાં આવી.