Gen Z માટે મની મંત્ર: પહેલી સેલેરીથી શરૂ કરો રોકાણ, 40 પહેલાં બનો કરોડપતિ!

Gen Z Investment: આજની Gen Z ટેક્નોલોજી અને કરિયરમાં સ્માર્ટ હોવાની સાથે પોતાના ફાઇનાન્શિયલ ભવિષ્યને પણ સુરક્ષિત કરવા માગે છે. પરંતુ ખરી સ્માર્ટનેસ ત્યારે જ દેખાય જ્યારે આ યુવા પેઢી પોતાની પહેલી સેલેરીથી જ રોકાણની શરૂઆત કરે. નિષ્ણાતોનું માનવું છે કે જો 21થી 25 વર્ષની ઉંમરે રોકાણ શરૂ કરી દેવામાં આવે, તો 40 વર્ષની ઉંમર સુધીમાં કરોડપતિ બનવાનું સપનું હકીકતમાં બદલાઈ શકે છે.

નિષ્ણાંતોના જણાવ્યા મુજબ, "જેટલું વહેલું રોકાણ શરૂ કરશો, તેટલો વધુ ફાયદો કમ્પાઉન્ડિંગનો મળશે. નાનું રોકાણ પણ લાંબા ગાળે મોટી સંપત્તિ બનાવી શકે છે." આ રોકાણ માત્ર સંપત્તિ જ નહીં, પરંતુ ફાઇનાન્શિયલ ડિસિપ્લિન અને ભવિષ્યના જોખમો સામે રક્ષણ પણ આપે છે.

શા માટે જરૂરી છે વહેલું રોકાણ?

કમ્પાઉન્ડિંગનો જાદુ: જેટલી વહેલી શરૂઆત, તેટલો વધુ સમય રોકાણને વધવા માટે મળે છે, જે વ્યાજ પર વ્યાજ કમાઈને રકમને ઘણી ગણી વધારે છે.

ફાઇનાન્શિયલ ડિસિપ્લિન: દર મહિને થોડું-થોડું રોકાણ કરવાથી પૈસાના સમજદાર ઉપયોગની ટેવ પડે છે.

રિસ્કનો બફર: નાની ઉંમરે રિસ્ક લેવાની ક્ષમતા વધુ હોય છે અને માર્કેટના ઉતાર-ચઢાવને સહન કરવાનો સમય પણ મળે છે.

કેવી રીતે શરૂ કરવું?