નવી મુંબઈ ઇન્ટરનેશનલ એરપોર્ટ પર લાગશે યુઝર ફી, મુસાફરોને ચૂકવવા પડશે 1,225 રૂપિયા

જો તમે નવી મુંબઈ ઇન્ટરનેશનલ એરપોર્ટથી મુસાફરી કરવાનું વિચારી રહ્યા છો, તો તમારે હવે યુઝર ડેવલપમેન્ટ ફી (UDF) ચૂકવવા માટે તૈયાર રહેવું પડશે. એરપોર્ટ્સ ઇકોનોમિક રેગ્યુલેટરી ઓથોરિટી (AERA) દ્વારા આ ફી લગાવવાની મંજૂરી આપવામાં આવી છે, જે અંતર્ગત મુસાફરોને એરપોર્ટનો ઉપયોગ કરવા માટે નિર્ધારિત શુલ્ક ચૂકવવો પડશે.

કેટલી હશે UDF?

AERAના આદેશ અનુસાર, નવી મુંબઈ ઇન્ટરનેશનલ એરપોર્ટ પરથી ફ્લાઇટ લેતા મુસાફરો માટે ઘરેલું ઉડાન માટે 620 અને આંતરરાષ્ટ્રીય ઉડાન માટે 1,225 યુઝર ડેવલપમેન્ટ ફી લાગુ પડશે. આ ઉપરાંત, એરપોર્ટ પર લેન્ડ થતા મુસાફરો માટે ઘરેલું ઉડાન માટે 270 અને આંતરરાષ્ટ્રીય ઉડાન માટે 525 UDF રહેશે.

ક્યારે શરૂ થશે એરપોર્ટ અને UDF નો અમલ?

હાલ નવી મુંબઈ ઇન્ટરનેશનલ એરપોર્ટના લોન્ચિંગની તારીખ ફાઇનલ નથી, પરંતુ આ વર્ષના અંત સુધીમાં તે કાર્યરત થવાની અપેક્ષા છે. અદાણી ગ્રુપ દ્વારા તૈયાર કરવામાં આવી રહેલા આ એરપોર્ટ પરથી પ્રથમ ફ્લાઇટ ઇન્ડિગોની હોવાની શક્યતા છે.

AERAએ નાણાકીય વર્ષ 2025-26 માટે અનૌપચારિક ધોરણે આ UDFને મંજૂરી આપી છે. આ ફી 31 માર્ચ 2026 સુધી અથવા નિયમિત ફીના અંતિમ નિર્ધારણ સુધી (જે વહેલું હોય તે) લાગુ રહેશે. ત્યારબાદ, એરપોર્ટ ઓથોરિટી દ્વારા નિયમિત ટેરિફ પોલિસી બનાવવામાં આવશે અને UDF માં ફેરફારો થઈ શકે છે.

NMIAની ક્ષમતા અને ભવિષ્યની યોજનાઓ