ભારતીય રેલવેમાં નવી સુવિધા: કન્ફર્મ ટિકિટની તારીખ બદલી શકશો, નહીં આપવો પડે વધારાનો ચાર્જ, જાણો ક્યારથી મળશે આ રાહત?

Indian Railways ticket date change: યાત્રીઓ માટે ભારતીય રેલવેમાં એક મોટી રાહતની ખબર આવી છે. હવે તમે તમારી બુક કરેલી કન્ફર્મ ટ્રેન ટિકિટની તારીખ બદલી શકશો, અને તે પણ વધારાના કોઈ ચાર્જ વિના. આ સુવિધા જાન્યુઆરી 2026થી લાગુ થશે, જેની જાહેરાત રેલ મંત્રી અશ્વિની વૈષ્ણવે કરી છે. આ નવી પોલિસીથી લાખો યાત્રીઓને ફાયદો થશે, જેમને અણધારી રીતે તારીખ બદલવી પડે છે અને કેન્સલેશનમાં પૈસા ગુમાવવા પડે છે.

રેલ મંત્રીએ કહ્યું કે, અત્યાર સુધી તારીખ બદલવા માટે યાત્રીઓએ જૂની ટિકિટ કેન્સલ કરીને નવી બુક કરવી પડે છે, જેમાં કેન્સલેશન ચાર્જ કપાય છે. પરંતુ નવી વ્યવસ્થામાં ઓનલાઇન તારીખ ફેરફાર કરી શકાશે, અને તે મફત હશે. આ પગલું યાત્રીઓના હિતમાં છે અને રેલવેને વધુ પેસેન્જર-ફ્રેન્ડલી બનાવશે.

યાત્રીઓએ આ વાતો ધ્યાનમાં રાખવી

મંત્રીએ બે મહત્વની બાબતો પણ સ્પષ્ટ કરી છે. પહેલી, નવી તારીખ પર ટિકિટ કન્ફર્મ થવાની કોઈ ગેરંટી નથી – તે સીટની ઉપલબ્ધતા પર આધારિત હશે. બીજી, જો નવી તારીખનું ભાડું વધુ હોય, તો તમારે તફાવતની રકમ ચૂકવવી પડશે. આ ફેરફારથી યાત્રા યોજનામાં ફેરફાર કરવું સરળ અને સસ્તું બનશે.

અત્યારના કેન્સલેશન નિયમો કેવા છે?

હાલમાં રેલવેના કેન્સલેશન રૂલ્સ કડક છે. જો તમે 48થી 12 કલાક પહેલાં ટિકિટ કેન્સલ કરો, તો 25% ચાર્જ કપાય છે. 12થી 4 કલાક પહેલાં કેન્સલ કરવાથી ચાર્જ વધુ વધી જાય છે. અને રિઝર્વેશન ચાર્ટ તૈયાર થયા પછી કોઈ રિફંડ મળતું નથી. આ નવી પોલિસીથી આ સમસ્યાઓ ઘટશે અને રેલવેની સેવાઓ વધુ વિશ્વસનીય બનશે.

આ પણ વાંચો-ટાટા ગ્રૂપમાં વિવાદ ઉગ્ર બન્યો: નોએલ ટાટા અને એન. ચંદ્રશેખરનની ગૃહમંત્રી-નાણામંત્રી સાથે બેઠક