RBIએ શરૂ કર્યું ‘100 Days 100 Pay' વિશેષ ઝુંબેશ, દરેક બેન્કમાં પડેલી અનક્લેમ્પ્ડ ડિપોઝિટનું થશે સમાધાન

રિઝર્વ બેન્ક ઓફ ઈન્ડિયા (RBI) એ બેન્કો માટે ખાસ 100 દિવસ 100 પેમેન્ટ પ્રોગ્રામની જાહેરાત કરી છે. આ બેન્કોમાં દાવા વગરના નાણા એટલે કે દાવા વગરની ડિપોઝિટ એકત્રિત કરવા અને તેનો નિકાલ કરવા માટે આ કાર્યક્રમ ખાસ શરૂ કરવામાં આવ્યો છે. ભારતીય રિઝર્વ બેન્કે 12 મેના રોજ 100 દિવસ 100 ચુકવણી અભિયાનની જાહેરાત કરી હતી. આ અંતર્ગત, 100 દિવસમાં, ભારતના દરેક જિલ્લામાં દરેક બેન્કમાં જમા કરાયેલ 100 દાવા વગરની ડિપોઝિટને શોધીને તેનો નિકાલ કરવામાં આવશે.

શું કહ્યું RBIએ

ભારતીય રિઝર્વ બેન્ક (RBI) એ તેના અભિયાન વિશે કહ્યું છે કે આ રીતે, બેન્કિંગ સિસ્ટમમાં દાવા વગરની ડિપોઝિટની માત્રામાં ઘટાડો થશે અને આવી ડિપોઝિટ તેમના હકના માલિકો અથવા દાવેદારો સુધી પહોંચી શકશે. સમજો કે દાવા વગરની ડિપોઝિટ એવી છે જેમાં 10 વર્ષ કે તેથી વધુ સમયગાળા માટે કોઈ ઉપાડ કે વ્યવહાર કરવામાં આવ્યો નથી. તે ઇનએક્ટિવ ડિપોઝિટનો એક પ્રકાર માનવામાં આવે છે.

સેન્ટ્રલાઇઝ વેબ પોર્ટલની રચના