તમારા રોકાણ પર તમારું સંપૂર્ણ નિયંત્રણ રહેશે, FDથી લઈ મ્યુચ્યુઅલ ફંડ સુધીની સંપૂર્ણ માહિતી એક જ જગ્યાએ મળશે, જાણો કેવી રીતે

HDFC SmartWealth: દેશની સૌથી મોટી ખાનગી બેન્ક HDFCએ નાના શહેરો અને ગામડાંના રોકાણકારોને સશક્ત બનાવવા એક નવું ડિજિટલ પ્લેટફોર્મ રજૂ કર્યું છે, જેનું નામ છે HDFC SmartWealth. આ એપ એક જ જગ્યાએ મ્યુચ્યુઅલ ફંડ, ફિક્સ્ડ ડિપોઝિટ (FD) અને ડીમેટ હોલ્ડિંગ્સની સંપૂર્ણ માહિતી પૂરી પાડે છે, જે રોકાણકારોને તેમના નાણાંકીય નિર્ણયો લેવામાં મદદ કરે છે. ખાસ વાત એ છે કે આ એપ ગુજરાતી સહિત 9 ભારતીય ભાષાઓમાં ઉપલબ્ધ છે, જેથી દરેક રોકાણકાર પોતાની ભાષામાં માહિતી મેળવી શકે.

સ્માર્ટવેલ્થની વિશેષતાઓ

HDFC SmartWealth એપ ખાસ કરીને પહેલીવાર રોકાણ કરનારાઓ માટે બનાવવામાં આવી છે. તેનું યુઝર-ફ્રેન્ડલી ઇન્ટરફેસ રોકાણને સરળ બનાવે છે. આ એપની મદદથી તમે માત્ર 100 રૂપિયાથી રોકાણ શરૂ કરી શકો છો. સ્માર્ટજાર્સ ફીચરની મદદથી તમે તમારા નાણાંકીય લક્ષ્યો, જેમ કે ઘર, કાર કે વેકેશન, નક્કી કરી શકો છો અને તેનું પ્રોગ્રેસ ટ્રેક કરી શકો છો. આ ઉપરાંત, તમે તમારા પોર્ટફોલિયોને રિવ્યૂ અને રિબેલેન્સ પણ કરી શકો છો, જેથી તમારું રોકાણ હંમેશાં તમારા લક્ષ્યો સાથે સંરેખિત રહે.

ફાઇનાન્શિયલ ઇન્ક્લુઝનને પ્રોત્સાહન

આ એપ ખાસ કરીને ગામડાં અને નાના શહેરોના લોકો માટે ફાયદાકારક છે, જેઓ અંગ્રેજીની મર્યાદાઓને કારણે રોકાણની માહિતી સમજવામાં મુશ્કેલી અનુભવે છે. ગુજરાતી ભાષામાં માહિતી ઉપલબ્ધ હોવાથી, રોકાણકારો સરળતાથી યોગ્ય ફંડ પસંદ કરી શકે છે અને ખોટી માહિતીથી બચી શકે છે. આ એ ફાઇનએક્સક્લુઝનને પ્રોત્સાહન આપે છે, જેનાથી વધુ લોકો નાણાંકીય બજારમાં ભાગ લઈ શકે છે.

એક જ પ્લેટફોર્મ, અનેક લાભ

HDFC SmartWealth એપની મદદથી તમે માત્ર તમારું જ નહીં, પરંતુ તમારા પરિવારનું પોર્ટફોલિયો પણ મેનેજ કરી શકો છો. ઇન્સ્ટન્ટ SIP ફીચર દ્વારા તમે તરત જ મ્યુચ્યુઅલ ફંડમાં રોકાણ શરૂ કરી શકો છો. આ ઉપરાંત, કેપિટલ ગેન્સ એન્ડ લોસિસ રિપોર્ટ ફીચર ટેક્સ પ્લાનિંગને સરળ બનાવે છે, જેનાથી તમે તમારા રોકાણનું પરફોર્મન્સ એક જગ્યાએ જોઈ શકો છો. એપમાં 25+ વર્ષના HDFC બેન્કના રિસર્ચનો લાભ પણ મળે છે, જે તમને સ્માર્ટ નિર્ણયો લેવામાં મદદ કરે છે.