ATM માંથી પૈસા ઉપાડવા માટે ચૂકવવો પડશે વધુ ચાર્જ, RBIએ આપી મંજૂરી, આ તારીખથી બેન્કો વસૂલશે વધુ ચાર્જ

ATMમાંથી પૈસા ઉપાડવા માટે તમારે 1 મે પછી વધુ ચાર્જ ચૂકવવો પડશે. ભારતીય રિઝર્વ બેન્ક (RBI) એ ATM ઇન્ટરચેન્જ ફીમાં સુધારો કરવાની મંજૂરી આપી છે, જે હવે 1 મે, 2025થી અમલમાં આવશે. આ નિર્ણય બેન્ક કસ્ટમર્સો માટે નાણાકીય અને બિન-નાણાકીય બંને ટ્રાન્જેક્શન્સને અસર કરશે. RBI એ નાણાકીય ટ્રાન્જેક્શન્સ માટે ચાર્જમાં 2 રૂપિયાનો વધારો કરીને 17 રૂપિયાથી વધારીને 19 રૂપિયા કરવાની મંજૂરી આપી છે. બેલેન્સ પૂછપરછ જેવા અન્ય બિન-નાણાકીય ટ્રાન્જેક્શન્સમાં પણ 1 રૂપિયાનો વધારો થશે, જેનાથી તે 6 રૂપિયાને બદલે 7 રૂપિયા થશે.

ફ્રીમાં 5 વખત પૈસા ઉપાડવાની મંજૂરી

કસ્ટમર્સોને વિવિધ બેન્કોના ATM પર દર મહિને લિમિટેડ સંખ્યામાં મફત ટ્રાન્જેક્શન્સની મંજૂરી છે. મેટ્રો વિસ્તારોમાં કસ્ટમર્સોને 5 ટ્રાન્ઝેક્શન આપવામાં આવે છે જ્યારે નોન-મેટ્રો વિસ્તારોમાં આ સુવિધા 3 વખત ઉપલબ્ધ છે. જો ફ્રી ટ્રાન્ઝેક્શનની સંખ્યા ઓળંગાઈ ગઈ હોય, તો પહેલાથી જ ઊંચી ઈન્ટરચેન્જ ફીને કારણે કસ્ટમર્સોએ ચૂકવવાની વધારાની ફીમાં વધારો થઈ શકે છે.

ઇન્ટરચેન્જ ફી શું છે?

ઇન્ટરચેન્જ ફી એ ફી છે જે એક બેન્ક બીજી બેન્કને ચૂકવે છે જ્યારે કોઈ કસ્ટમર્સ એવા ATMનો ઉપયોગ કરે છે જે તેની હોમ બેન્ક સાથે જોડાયેલ નથી. આમાં બેન્કના ATM રાખવાથી લઈને વિવિધ બેન્કોના ચોક્કસ કાર્ડધારકોને સેવા આપવા સુધીના ખર્ચનો સમાવેશ થાય છે. આ ATM ફી ફેરફારો છેલ્લે જૂન 2021 માં અપડેટ કરવામાં આવ્યા હતા.

આ રીતે વધારે ચાર્જ ચૂકવવાનું ટાળો

-મફત ટ્રાન્જેક્શન લિમિટ મેળવવા માટે તમારી બેન્કના ATM પર ટ્રાન્જેક્શન કરો.