ચીનથી વિદાય અને ભારત માટે પ્રેમ, જાપાનની આ અદભૂત પોલીસીથી સ્વિંગ કરશે આપણું માર્કેટ

કોવિડ-19 રોગચાળા પછી જાપાની કંપનીઓ ભારતને તેમના એક આધાર તરીકે જોઈ રહી છે. કારણ કે તેઓ ચીન પર નિર્ભરતા ઘટાડવા માટે તેમના ઉત્પાદન અને પુરવઠા શૃંખલામાં વિવિધતા લાવવા ‘ચાઈના પ્લસ વન' પોલીસી અપનાવી રહ્યા છે. નાણાકીય સલાહકાર કંપની ડેલોઇટના નિષ્ણાતોએ આ વાત કહી છે. આ પોલીસીમાં વૈકલ્પિક દેશોમાં પ્રોડક્શન સુવિધાઓ સ્થાપવાનો સમાવેશ થાય છે, જેમાં ભારત એક નોંધપાત્ર લાભાર્થી તરીકે ઉભરી રહ્યું છે. ડેલોઇટ જાપાનના સીઈઓ કેનિચી કિમુરાએ જણાવ્યું હતું કે, “કોવિડ પછી, જાપાની કંપનીઓ સક્રિયપણે ‘ચાઇના-પ્લસ’ સપ્લાય ચેઇન વ્યૂહરચનાઓનું અન્વેષણ કરી રહી છે, જેમાં ભારત એક મુખ્ય સ્થળ તરીકે ઉભરી રહ્યું છે.

ભારત આવવાના અનેક ફાયદા થશે

કિમુરાએ જણાવ્યું કે "જ્યારે કેટલીક કંપનીઓ ચાઇના પ્લસ વન પોલિસી હેઠળ જાપાન પરત આવી છે, અન્યો ભારતને માત્ર એક ઉત્પાદન કેન્દ્ર તરીકે જ નહીં પરંતુ પશ્ચિમ એશિયા અને આફ્રિકા જેવા ઉચ્ચ વૃદ્ધિવાળા માર્કેટોના પ્રવેશદ્વાર તરીકે પણ જોઈ રહી છે." જ્યારે ભારતના લોકલ માર્કેટનું વિશાળ કદ એક મુખ્ય આકર્ષણ છે, જે ભારતને વધુ આકર્ષક બનાવે છે તે આ સેક્ટર્સમાં તેના સુસ્થાપિત બિઝનેસ અને ટેલેન્ટ નેટવર્ક છે. "જ્યારે જાપાની વ્યવસાયોએ હજુ સુધી આ સંભાવનાનો સંપૂર્ણ ઉપયોગ કર્યો નથી, અમે ભારતને માત્ર એક માર્કેટ તરીકે જ નહીં, પરંતુ એક મહત્વપૂર્ણ સપ્લાય ચેઇન હબ તરીકે જોઈએ છીએ જે પ્રાદેશિક અને વૈશ્વિક સફળતાને આગળ ધપાવી શકે છે,.

જાપાન સરકાર કરી રહી છે મદદ