Vedanta Demerger: વેદાંતાની 4 નવી કંપનીઓ માર્કેટમાં એન્ટ્રી કરવા તૈયાર, જાણો લિસ્ટિંગ પછી કયો શેર ખરીદવો?

* Vedanta Power (વેદાંતા પાવર)

* Vedanta Oil & Gas (વેદાંતા ઓઇલ એન્ડ ગેસ)

* Vedanta Iron & Steel (વેદાંતા આયર્ન એન્ડ સ્ટીલ)

શેરની ફાળવણી કેવી રીતે થઈ?

અનિલ અગ્રવાલના વેદાંતા ગ્રુપે એપ્રિલ મહિનામાં જ જાહેરાત કરી હતી કે કંપનીના ડીમર્જર માટે 1 મે ના રોજ 'રેકોર્ડ ડેટ' નક્કી કરવામાં આવી છે. જે રોકાણકારો પાસે આ રેકોર્ડ ડેટ સુધી વેદાંતાના શેર હતા, તેમને દરેક 1 શેરના બદલામાં ઉપરોક્ત ચારેય નવી કંપનીઓનો 1-1 શેર મફતમાં ફાળવવામાં આવ્યો છે.

અત્યાર સુધી મેઈન કંપની (Vedanta)નો શેર બજારમાં ટ્રેડ થઈ રહ્યો હતો, પરંતુ નવી કંપનીઓ લિસ્ટ ન થઈ હોવાથી બજાર તેની સાચી વેલ્યૂ નક્કી કરી શકતું ન હતું. જોકે, હવે ડીમર્જરને લગતા જરૂરી પ્રાઇસ એડજસ્ટમેન્ટ વેદાંતાના શેરમાં પહેલેથી જ કરી લેવામાં આવ્યા છે.

શરૂઆતમાં ઇન્ટ્રા-ડે ટ્રેડિંગ નહીં કરી શકાય

સ્ટોક એક્સચેન્જના નોટિસ મુજબ, જ્યારે આ 4 કંપનીઓ સોમવારે લિસ્ટ થશે, ત્યારે શરૂઆતના તબક્કામાં તેમને ટ્રેડ-ટુ-ટ્રેડ (T2T) સેગમેન્ટમાં રાખવામાં આવશે. આનો સીધો અર્થ એ છે કે તમે આજે શેર ખરીદીને આજે જ વેચી શકશો નહીં (એટલે કે ઇન્ટ્રા-ડે ટ્રેડિંગ નહીં થાય). તમે જે પણ શેર ખરીદશો કે વેચશો, તેની ડિલિવરી લેવી અને આપવી ફરજિયાત રહેશે.

બ્રોકરેજ હાઉસની સલાહ: કયો શેર ખરીદવો રહેશે સાચો?

નવી કંપનીઓના લિસ્ટિંગ પહેલા જ દિગ્ગજ બ્રોકરેજ હાઉસ પોતાના રિપોર્ટ આપી રહ્યા છે:

Nuvama Institutional Equities: નુવામાનું માનવું છે કે વેદાંતા પાસે ખૂબ જ મોટો અને વિવિધતાવાળો બિઝનેસ છે. કંપનીની બેલેન્સ શીટ મજબૂત છે. ખાસ કરીને કંપનીનો ઝિંક, લેડ અને સિલ્વરનો કારોબાર ઓછા ખર્ચે સારું ઉત્પાદન કરે છે અને સારી રોકડ (Cash flow) ઊભી કરે છે. આવનારા સમયમાં એલ્યુમિનિયમ અને ઝિંક બિઝનેસમાં ખર્ચ ઘટવાથી અને ઉત્પાદન વધવાથી કંપનીને મોટો ફાયદો મળી શકે છે.

Emkay Global Financial Services: એમ્કે ગ્લોબલના મતે, લિસ્ટિંગ પછી ખાસ કરીને ‘Vedanta Aluminium' અને 'Vedanta Power' ના શેરમાં રોકાણકારોને શાનદાર વેલ્યુએશન અને રિટર્ન જોવા મળી શકે છે.

રોકાણકારો માટે શું બદલાશે?

15 જૂનનું લિસ્ટિંગ પૂર્ણ થતાં જ વેદાંતાનું એક મોટું સપનું પૂરું થશે. બજારના નિષ્ણાતો માને છે કે અલગ-અલગ લિસ્ટિંગ થવાથી દરેક બિઝનેસની અસલી કિંમત (Real Value) ખુલીને બહાર આવશે. અગાઉ રોકાણકારોએ આખા વેદાંતા ગ્રુપમાં એકસાથે રોકાણ કરવું પડતું હતું, પરંતુ હવે જો કોઈને માત્ર ઓઇલ સેક્ટરમાં કે પાવર સેક્ટરમાં રસ હોય, તો તેઓ પોતાની પસંદગી મુજબની કંપનીનો જ શેર ખરીદી શકશે. રોકાણકારો માટે આ એક પારદર્શક અને ફાયદાકારક ડીલ સાબિત થઈ શકે છે.

આ પણ વાંચો- NSE IPO: નવા સપ્તાહમાં મળી શકે છે ખુશખબર! 15 કે 16 જૂને સેબીમાં ડ્રાફ્ટ જમા થવાની શક્યતા, જાણો સંપૂર્ણ વિગતો

Disclaimer: મનીકંટ્રોલ.કોમ પર આપવામાં આવેલી સલાહ કે વિચારો એક્સપર્ટ/બ્રોકરેજ ફર્મના અંગત મંતવ્યો છે. વેબસાઇટ કે તેનું મેનેજમેન્ટ તેના માટે જવાબદાર નથી. યુઝર્સને મનીકંટ્રોલ દ્વારા સલાહ આપવામાં આવે છે કે કોઈપણ રોકાણનો નિર્ણય લેતા પહેલા હંમેશા પ્રમાણિત નિષ્ણાતની સલાહ લેવી.