કોમોડિટી લાઇવ: ક્રૂડ ઓઈલમાં તેજીનો ઊભરો, સોના-ચાંદીમાં રેકોર્ડ સ્તરેથી વેચવાલી

મની માર્કેટ બંધ હોવાથી કરન્સી બજાર તરફથી કોઈ સંકેતો નથી, તેમ છતા શુક્રવારે ડૉલર ઇન્ડેક્સ 97ના સ્તરની ઉપર રહ્યો હતો, અને રૂપિયામાં 88.27 સુધીના સ્તર જોવા મળ્યા હતા.

સોનામાં વૈશ્વિક બજારમાં ભાવ 3600 ડૉલરના રેકોર્ડ સ્તરની પાસે પહોંચતા દેખાયા, જોકે ત્યાર બાદ ઉપલા સ્તરેથી થોડી વેચવાલી જોઈ, પણ કિંમતો 3500ના સ્તરની ઉપર યથાવત્ છે, જ્યારે સ્થાનિક બજારમાં ભાવ આશરે અડધા ટકાથી વધુ ઘટીને 1 લાખ 7 હજાર 200ના સ્તરની પાસે પહોંચતા જોવા મળ્યા હતા. અહીં શુક્રવારે USના નબળા રોજગાર આંકડાઓના કારણે કિંમતોને સપોર્ટ મળ્યો હતો.

સોનામાં કારોબારની વાત કરીએ તો સોનાની કિંમતો રેકોર્ડ ઉપલા સ્તરેથી ઘટી. COMEX પર ભાવ 3600 ડૉલરના સ્તરેથી તૂટ્યા. ઘટાડો હોવા છતા વૈશ્વિક બજારમાં 3500 ડૉલરના સ્તરે સ્થિર છે. USના નબળા રોજગાર આંકડાઓથી મળ્યો હતો કિંમતોને સપોર્ટ મળ્યો છે. સપ્ટેમ્બરમાં 25 bps વ્યાજ દર કાપની આશા પ્રબળ બની. PBOCએ ઓગસ્ટ મહિનામાં સતત 10માં મહિને ગોલ્ડ હોલ્ડિંગ વધારી છે.

ચાંદીમાં શુક્રવારે નવા 14 વર્ષના ઉપલા સ્તર બનતા દેખાયા, જોકે ત્યાર બાદ ઉપલા સ્તરેથી વેચવાલી પણ જોઈ, તેમ છતા વૈશ્વિક બજારમાં 40 ડૉલરના સ્તર જળવાતા જોયા, જ્યારે સ્થાનિક બજારમાં આશરે અડધા ટકાથી વધુની વેચવાલી સાથે 1 લાખ 23 હજારના સ્તરની પાસે કિંમતો પહોંચતી જોવા મળી રહી છે. અહીં મજબૂત ઇન્ડસ્ટ્રીયલ ડિમાન્ડના કારણે કિંમતોને સપોર્ટ મળી રહ્યો છે.