કોમોડિટી લાઇવ: સોના-ચાંદીમાં ઉપલા સ્તરેથી ઘટાડો, ક્રૂડમાં સતત પાંચમાં દિવસે દબાણ

શરૂઆતી કારોબારમાં ડૉલર સામે રૂપિયો 15 પૈસા નબળો થઈ 86.32 પ્રતિ ડૉલરની સામે 86.47 પ્રતિ ડૉલર પર ખૂલ્યો, જોકે ત્યાર બાદ રૂપિયામાં. ના સ્તરની આસપાસ કારોબાર જોવા મળ્યો હતો.

ઉપલા સ્તરેથી સોનાની કિંમતોમાં નરમાશ આવતા COMEX પર ભાવ 2750ના સ્તરની પાસે પહોંચ્યા, તો સ્થાનિક બજારમાં 79,458ના સ્તરની આસપાસ કારોબાર જોવા મળ્યો હતો. ઉલ્લેખનિય છે કે ભારતમાં કિંમતો ઓલ ટાઈમ હાઈના સ્તરની પાસે પહોંચતી દેખાઈ હતી.

ચાંદીમાં પણ વેચવાલી આવતા વૈશ્વિક બજારમાં ભાવ આશરે અડધા ટકા ઘટતા દેખાયા, તો સ્થાનિક બજારમાં પણ અડધા ટકાથી વધુના દબાણ સાથે 91,467ના સ્તરની પાસે કારોબાર જોવા મળ્યો હતો.

ઉપલા સ્તરેથી બેઝ મેટલ્સની કિંમતોમાં પણ નરમાશ રહી, જ્યાં કોપરમાં ઉપલા સ્તરેથી ભાવ આશરે 1 ટકા તૂટ્યા, તો એલ્યુમિનિયમમાં 2 મહિનાના ઉપલા સ્તરેથી ઘટાડો જોવા મળ્યો હતો. સ્થાનિક બજારમાં પણ શરૂઆતી કારોબારમાં કોપર સહિત તમામ મેટલ્સમાં અડધા ટકાથી વધુની વેચવાલી દેખાઈ હતી.