કોમોડિટી લાઇવ: સોના-ચાંદીમાં નીચલા સ્તરેથી રિકવરી, ક્રૂડમાં 2 દિવસના ઘટાડા બાદ રિકવરી

શરૂઆતી કારોબારમાં ડૉલર સામે રૂપિયો 1 પૈસા મજબૂત થઈ 88.79 પ્રતિ ડૉલરની સામે 88.78 પ્રતિ ડૉલર પર ખૂલ્યો, જોકે ત્યાર બાદ રૂપિયાના સ્તરની આસપાસ કારોબાર જોવા મળી રહ્યો છે.

સોનામાં ગઈકાલે ઉપલા સ્તરેથી વેચવાલી જોવા મળી હતી, જોકે આજે ફરી રિકવરી આવતા COMEX પર ભાવ 3859 ડૉલરની ઉપર પહોંચ્યા, જ્યારે સ્થાનિક બજારમાં 1 લાખ 16 હજારને પાર કારોબાર જોવા મળ્યો હતો. ઉલ્લેખનિય છે કે, ચાઈનીઝ રોકાણકારો દ્વારા એક્સપોઝર ઓછું થતા સોનામાં ઘટાડો જોવા મળ્યો હતો. જોકે ડૉલર ઇન્ડેક્સમાં દબાણની અસર પણ કિંમતો પર દેખાઈ હતી.

સોનામાં કારોબારની વાત કરીએ તો રેકોર્ડ હાઈથી કિંમતો ઘટ્યા બાદ ફરી સુધરી. ચાઈનાના રોકાણકારો તરફથી એક્સપોઝર ઘટતા કિંમતો પર અસર રહી. COMEX પર ભાવ 3859 ડૉલરની ઉપર રહ્યા. સ્થાનિક બજારમાં 1 લાખ 16 હજારને પાર કારોબાર નોંધાયો. ETF હોલ્ડિંગમાં સારા ઇનફ્લોથી સપોર્ટ મળ્યો.

ચાંદીમાં પણ મજબૂતી સાથેનો કારોબાર રહેતા અહીં વૈશ્વિક બજારમાં ભાવ 46 ડૉલરની ઉપર પહોંચ્યા, તો સ્થાનિક બજારમાં આશરે સવા એક ટકા જેટલી તેજી સાથે 1 લાખ 43 હજારને પાર કારોબાર જોવા મળ્યો હતો.