કમોડિટી લાઇવ: સોના-ચાંદીની ચમકમાં વધારો, ક્રૂડમાં ઉછાળો, બ્રેન્ટ $82/bblને પાર

USમાં મોંઘવારીને લઈ રાહત મળવાથી અને ટાઈટ ગ્લોબલ સપ્લાઈની આશંકાએ ક્રૂડમાં ફરી એકવાર તેજી આવતા બ્રેન્ટના ભાવ 82 ડૉલરની ઉપર પહોંચ્યા, તો NYMEX ક્રૂડમાં 80 ડૉલરની ઉપર કારોબાર નોંધાયો, જ્યારે સ્થાનિક બજારમાં પણ આશરે અડધા ટકાથી વધુની મજબૂતી જોવા મળી હતી. ઉલ્લેખનિય છે કે US રશિયા પર પ્રતિબંધો લગાવે તેવા અનુમાન અને USની ઇન્વેન્ટરીમાં ઘટાડાની અસર પણ ક્રૂડની કિંમતો પર બની રહી છે.

શરૂઆતી કારોબારમાં સ્થાનિક બજારમાં નેચરલ ગેસમાં આશરે 1 ટકાથી વધુની તેજી સાથે 353ના સ્તરની આસપાસ કારોબાર જોવા મળ્યો હતો.

ડૉલર ઇન્ડેક્સ અને બોન્ડ યીલ્ડમાં દબાણના કારણે સોનાની ચમક વધી, જ્યાં COMEX પર ભાવ 2696 ડૉલરની પાસે પહોંચતા દેખાયા, તો સ્થાનિક બજારમાં 78,870ના સ્તરની પાસે કામકાજ જોવા મળ્યું હતું. ઉલ્લેખનિય છે કે US CPI અનુમાન કરતા નબળા રહેતા ફેડ દ્વારા વ્યાજ દરમાં કાપની સંભાવનાઓ વધી જેથી કિંમતોને સપોર્ટ મળ્યો છે.

ચાંદીમાં પણ ગઈકાલના સ્તરેથી ઉછાળો આવતા વૈશ્વિક બજારમાં ભાવ 30 ડૉલરની ઉપર પહોંચ્યા, તો સ્થાનિક બજારમાં 93113ના સ્તરની પાસે કારોબાર જોવા મળ્યો હતો.