કોમોડિટી લાઇવ: મજબૂત ડૉલરથી સોના-ચાંદીમાં દબાણ, USમાં ઇન્વેન્ટરી વધતા ક્રૂડમાં ઘટાડો

ફેડ દ્વારા વ્યાજદરમાં કોઈ ફેરફાર ન થયા હોવાથી ડૉલર ઇન્ડેક્સમાં મજબૂતી જોવા મળી, પરિણામે સોનાની કિંમતો ઉપલા સ્તરેથી ઘટી. COMEX પર સોનું 2760 ડૉલરની સ્તરની પાસે પહોંચ્યું, તો સ્થાનિક બજારમાં 80,500ના સ્તરની પાસે કારોબાર જોવા મળ્યો હતો. આ સાથે જ બેન્ક ઑફ કેનેડાએ વ્યાજ દરમાં કાપ કર્યા છે, તો ECB આજે વ્યાજ દર પર નિર્ણય લેશે.

ચાંદીમાં પણ નાની રેન્જમાં કામકાજ રહ્યું, અહીં વૈશ્વિક બજારમાં ભાવ 30 ડૉલરની પાસે સ્થિર છે, જ્યારે શરૂઆતી કારોબારમાં સ્થાનિક બજારમાં 92,319ના સ્તરની પાસે કારોબાર જોવા મળ્યો હતો.

વૈશ્વિક અને સ્થાનિક બન્ને બજારોમાં બેઝ મેટલ્સનો ટ્રેન્ડ નેગેટીવ જોવા મળ્યો, વૈશ્વિક બજારમાં ઓછી માગના અનુમાને એલ્યુમિનિયમની કિંમતો 2600 ડૉલર પ્રતિ ઔંસની નીચે પહોંચતી દેખાઈ, અહીં ચાઈનાના નબળા PMI આંકડા અને ટેરિફની ચિંતામાં મેટલ્સની કિંમતો પર દબાણ બની રહ્યું છે.

ક્રૂડની નરમાશ આગળ વધતા ભાવ હવે 2025ના નીચલા સ્તરની પાસે પહોંચતા દેખાયા, બ્રેન્ટમાં 77 ડૉલરની નીચે કારોબાર રહ્યો, તો NYMEX ક્રૂડમાં 73 ડૉલરની નીચે કામકાજ જોવા મળ્યું. USમાં ઇન્વેન્ટરી અનુમાન કરતા વધારે વધતા ઓઈલની કિંમતો પર અસર દેખાઈ હતી.