Iran Israel War: ઈઝરાયલ-ઈરાનની વચ્ચે તણાવ વધ્યો, કાચા તેલની કિંમતોમાં આવ્યો 10% ઉછાળો, વૈશ્વિક સપ્લાઈ પર મંડરાયો સંકટ

Iran Israel War: ઈરાન પર ઈઝરાયલી હવાઈ હુમલા બાદ ક્રૂડ ઓઈલના ભાવમાં 13 ટકાનો વધારો થયો છે. મોટા પ્રાદેશિક યુદ્ધની આશંકાએ વૈશ્વિક બજારો હચમચી ગયા છે. યુએસ વેસ્ટ ટેક્સાસ ઈન્ટરમીડિયેટ (WTI) ક્રૂડનો ભાવ 3.94 ડૉલર અથવા 5.79 ટકા વધીને 72.04 ડૉલર પ્રતિ બેરલ થયો છે, જ્યારે વૈશ્વિક બેન્ચમાર્ક બ્રેન્ટ ક્રૂડનો ભાવ 3.87 ડૉલર અથવા 5.58 ટકા વધીને 73.23 ડૉલર પ્રતિ બેરલ થયો છે. ક્રૂડ ઓઈલના ભાવમાં આ તીવ્ર વધારાનું કારણ ઈઝરાયલના ઈરાન પર હવાઈ હુમલા બાદ તેલ સમૃદ્ધ મધ્ય પૂર્વમાંથી તેલ પુરવઠામાં વિક્ષેપ પડવાનો ભય છે. ઈઝરાયલે અમેરિકાના સમર્થન વિના ઈરાન પર આ હુમલો કર્યો છે. સંઘર્ષ વધુ ગંભીર બનવાનો ભય છે.

ઈઝરાયલે ઈરાની વિસ્તારો પર હુમલાની પુષ્ટિ કર્યાના થોડા કલાકો પછી તેલના ભાવમાં આ ઉછાળો આવ્યો છે. ઈઝરાયલી સંરક્ષણ પ્રધાન ઈઝરાયલ કાત્ઝે કહ્યું કે ઈરાન દ્વારા સંભવિત હુમલાઓને રોકવા માટે આ હુમલાઓ જરૂરી હતા. મિસાઈલ અને ડ્રોન દ્વારા બદલો લેવાની અપેક્ષાએ ઈઝરાયલમાં ખાસ કટોકટી જાહેર કરવામાં આવી હતી.

આ દરમિયાન, યુનાઇટેડ સ્ટેટ્સે સ્પષ્ટતા કરી છે કે આ હુમલામાં તેની કોઈ ભૂમિકા નથી. યુએસ સેક્રેટરી ઓફ સ્ટેટ માર્કો રુબિયોએ પુષ્ટિ આપી છે કે ઇઝરાયલે એકપક્ષીય અને યુએસ સમર્થન વિના કાર્યવાહી કરી છે. રુબિયોએ કહ્યું, "અમે ઇરાન સામેના હુમલામાં સામેલ નથી અને અમારી ટોચની પ્રાથમિકતા આ ક્ષેત્રમાં યુએસ દળોનું રક્ષણ કરવાની છે." તેમણે તેહરાનને ચેતવણી પણ આપી, ઇરાનને યુએસ કર્મચારીઓ અથવા સંપત્તિઓ સામે બદલો ન લેવા વિનંતી કરી.

Ahmedabad Plane Crash: રિલાયંસ ઈન્ડસ્ટ્રીઝના વડા મુકેશ અંબાણી જતાવ્યો ઊંડો શોક, કહ્યું દરેક સંભવ રીતે સહાયતા કરવા માટે તૈયાર