Byjus Layoff : ઇ-મેઇલ થાય છે લીક, એટલા માટે જ Google મીટ પર અપાઇ છટણીની માહિતી

એડ-ટેક ફર્મ બાયજુએ છ મહિના કરતાં ઓછા સમયમાં બીજી છટણીની જાહેરાત કરી છે. કંપની 1,000 થી 1,200 કર્મચારીઓની છટણી કરવા જઈ રહી છે. સૂત્રોના જણાવ્યા અનુસાર, બાયજુની એન્જિનિયરિંગ, સેલ્સ, લોજિસ્ટિક્સ, માર્કેટિંગ અને કોમ્યુનિકેશન ટીમમાંથી ઘણા કર્મચારીઓને છૂટા કરવામાં આવ્યા છે. રસપ્રદ વાત એ છે કે, કર્મચારીઓમાંથી કોઈને છટણી અંગે ઈ-મેલ દ્વારા જાણ કરવામાં આવી ન હતી, પરંતુ Google મીટ પર કૉલ દ્વારા જાણ કરવામાં આવી હતી. આવું એટલા માટે કરવામાં આવ્યું કારણ કે કોમન રીતે ઈ-મેઈલ લીક થઈ જાય છે. સૂત્રોના જણાવ્યા અનુસાર, કર્મચારીઓને કોમન મેસેજ મોકલીને અથવા વોટ્સએપ કોલ દ્વારા ગૂગલ મીટમાં જોડાવા માટે કહેવામાં આવ્યું હતું અને ત્યાં તેમને છટણી વિશે જાણ કરવામાં આવી હતી.

એન્જિનિયરિંગ ટીમમાંથી 300 જેટલા કર્મચારીઓને બરતરફ કરવામાં આવ્યા હતા
સૂત્રોએ જણાવ્યું હતું કે એન્જિનિયરિંગ ટીમમાંથી લગભગ 300 કર્મચારીઓને બરતરફ કરવામાં આવ્યા છે, જ્યારે લોજિસ્ટિક્સ ટીમના મેનપાવરમાં 50 ટકાનો ઘટાડો કરવામાં આવ્યો છે. અન્ય એક સૂત્રએ જણાવ્યું હતું કે બાયજુ લોજિસ્ટિક્સનું આઉટસોર્સિંગ કરે છે અને તેથી કંપનીએ તેની ઇન-હાઉસ લોજિસ્ટિક્સ ટીમના કદમાં 50 ટકાનો ઘટાડો કર્યો છે.

કોઈ છટણી નહીં થાય તેવી ખાતરી આપવામાં આવી હતી
બાયજુના સહ-સ્થાપક અને સીઈઓ બાયજુ રવીન્દ્રને કેટલાક આંતરિક ઈમેલમાં કર્મચારીઓને ખાતરી આપી હતી કે કંપની હવે 5 ટકા અથવા લગભગ 2,500 કર્મચારીઓની છટણી કરશે નહીં. ઓક્ટોબરમાં કર્મચારીઓને આપેલા આંતરિક ઈમેલમાં, રવિન્દ્રને જણાવ્યું હતું કે, "બાયજુ નોકરીમાંથી છૂટા કરાયેલા કર્મચારીઓને પુનઃહાયરીંગ કરવાને પ્રાથમિકતા આપશે કારણ કે કંપની ઘણા ફેરફારો કરી રહી છે અને નવી હોદ્દાઓ માટે વધુ પુનઃહાયરીંગની જરૂર પડશે."

જાન્યુઆરીમાં દરરોજ 3400 કર્મચારીઓની છટણી
તમને જણાવી દઈએ કે છેલ્લા કેટલાક વર્ષોમાં દુનિયાભરની કંપનીઓએ ઘણી છટણી કરી છે. એક રિપોર્ટ અનુસાર જાન્યુઆરીમાં દરરોજ સરેરાશ 3400થી વધુ ટેક કર્મચારીઓને નોકરીમાંથી કાઢી મૂકવામાં આવ્યા છે. આ કંપનીઓમાં Google, Amazon, Goldman Sachs, Meta, Twitter, Stripe, Lyft, Affirm અને CloudKitchens જેવી કંપનીઓનો સમાવેશ થાય છે.

આ પણ વાંચો - ડેવિડ બેકહામની ફેરારી 360 સ્પાઈડર કાર ખરીદવાની તક, રૂ. 1.1 કરોડની કિંમતે ઉપલબ્ધ