IndiGo Airlines penalty: ઇન્ડિગો એરલાઇનને રૂપિયા 1.5 લાખનો દંડ, ગંદી સીટ કેસમાં ગ્રાહક ફોરમનો મોટો નિર્ણય

IndiGo Airlines penalty: દિલ્હી જિલ્લા ગ્રાહક તકરાર નિવારણ ફોરમે ઇન્ડિગો એરલાઇન સામે કડક પગલું ભર્યું છે. ફોરમે એરલાઇનને એક મહિલા મુસાફરને ગંદી અને ડાઘવાળી સીટ આપવા બદલ રૂપિયા 1.5 લાખ વળતર અને રૂપિયા 25,000 મુકદ્દમા ખર્ચ ચૂકવવાનો આદેશ આપ્યો છે.

આ કેસ પિંકી નામની મહિલાએ દાખલ કર્યો હતો. તેણીનું કહેવું છે કે 2 જાન્યુઆરી 2025ના રોજ બાકુથી નવી દિલ્હી જતી ફ્લાઇટમાં તેને ગંદી અને ડાઘવાળી સીટ આપવામાં આવી હતી. ફરિયાદ પ્રમાણે જ્યારે તેણીએ આ અંગે કેબિન ક્રૂને જણાવ્યું, ત્યારે ફરિયાદને અવગણવામાં આવી અને અસંવેદનશીલ વર્તન થયું.

ઇન્ડિગો એરલાઇનનું કહેવું હતું કે મુસાફરની સમસ્યાનો ઉકેલ આપી તેને બીજી સીટ આપવામાં આવી હતી અને મુસાફરી પૂર્ણ થઈ હતી. પરંતુ ફોરમે પુરાવાઓના આધારે એરલાઇનને સેવામાં ખામી માટે દોષિત ઠેરવી.

ફોરમે કહ્યું કે મુસાફરને થયેલી અસુવિધા, માનસિક વેદના અને ઉત્પીડન માટે વળતર આપવું યોગ્ય છે. સાથે જ, ફોરમે નોંધ્યું કે એરલાઇન Situation Data Display (SDD) રિપોર્ટ રજૂ કરવામાં નિષ્ફળ રહી, જે માનક ઉડ્ડયન પ્રોટોકોલનો ભાગ છે.

આ નિર્ણય 9 જુલાઈ 2025ના રોજ આવ્યો હતો અને તાજેતરમાં જાહેર થયો છે. આ કેસ મુસાફરોના અધિકારો અને એરલાઇન સર્વિસ સ્ટાન્ડર્ડ અંગે એક મહત્વપૂર્ણ મેસેજ આપે છે.

આ પણ વાંચો- ગુજરાતના ગૌરવ સિંહની ગાથા: વિશ્વ સિંહ દિવસની ઉજવણી અને સંરક્ષણની અદ્ભુત સફળતા