IPO Next Week: પૈસા રાખો તૈયાર, આવતા અઠવાડિયે આવી રહ્યા છે Vishal Mega Mart સહિત 9 કંપનીઓના IPO

IPO Next Week: પ્રાઇમરી માર્કેટ ફરી વાઇબ્રન્ટ બની રહ્યું છે. આગામી સપ્તાહમાં ઘણી કંપનીઓ તેમના IPO લોન્ચ કરવા જઈ રહી છે. આમાંથી એક Vishal Mega Mart જેવો મોટો IPO છે. આવતા અઠવાડિયે કુલ 9 કંપનીઓના IPO લોન્ચ થવા જઈ રહ્યા છે. તેમાંથી 4 મેઇનબોર્ડ IPO અને 5 SME IPO છે. તે જ સમયે, ત્રણ શેર આગામી સપ્તાહે સ્ટોક એક્સચેન્જમાં લિસ્ટ થવા જઈ રહ્યા છે. જે મેઈનબોર્ડ IPO લોન્ચ થવા જઈ રહ્યા છે તેમાં Vishal Mega Mart, મોબિક્વિક અને સાઈ લાઈફ સાયન્સના IPO સામેલ છે.

Vishal Mega Mart

Vishal Mega Martના IPO અંગે હાલ ઘણી ચર્ચા ચાલી રહી છે. આ IPO 11 ડિસેમ્બરે સબસ્ક્રિપ્શન માટે ખુલશે અને 13 ડિસેમ્બરે બંધ થશે. શેરનું લિસ્ટિંગ 18 ડિસેમ્બરે થઈ શકે છે. IPOમાં પ્રાઇસ બેન્ડ 74 થી 78 રૂપિયા પ્રતિ શેર નક્કી કરવામાં આવી છે. એક લોટમાં 190 શેર હશે. આ કિસ્સામાં, તમારે ઓછામાં ઓછા 14,820 રૂપિયાનું રોકાણ કરવું પડશે.

Sai Life Sciences Limited

સાઈ લાઈફ સાયન્સનો IPO 11 ડિસેમ્બરે ખુલશે અને 13 ડિસેમ્બરે બંધ થશે. શેરનું લિસ્ટિંગ 18 ડિસેમ્બરે થશે. IPOમાં પ્રાઇસ બેન્ડ રુપિયા 522 થી રુપિયા 549 વચ્ચે છે. એક લોટમાં 27 શેર છે. આ IPOમાં લઘુત્તમ 14,823 રૂપિયાનું રોકાણ કરવાનું રહેશે. આ રુપિયા 3042.62 કરોડનો IPO છે.

One Mobikwik Systems Limited

MobiKwikનો IPO 11 ડિસેમ્બરે સબસ્ક્રિપ્શન માટે ખુલશે અને 13 ડિસેમ્બરે બંધ થશે. શેરનું લિસ્ટિંગ 18 ડિસેમ્બરે થશે. IPOમાં પ્રાઇસ બેન્ડ રૂપિયા 265 થી 279 રૂપિયા નક્કી કરવામાં આવી છે. એક લોટમાં 53 શેર છે. આ IPOમાં ઓછામાં ઓછું 14787 રૂપિયાનું રોકાણ કરવાનું રહેશે. આ રુપિયા 572 કરોડનો IPO છે.