Meesho IPO: 4,250 કરોડના નવા શેરને શેરહોલ્ડર્સની મંજૂરી, દિવાળી સુધી લોન્ચની તૈયારી

Meesho IPO: ભારતની અગ્રણી ઈ-કોમર્સ સ્ટાર્ટઅપ મીશોએ તેના IPO (ઈનિશિયલ પબ્લિક ઓફરિંગ)ની દિશામાં એક મહત્વનું પગલું ભર્યું છે. કંપનીએ તાજેતરની એક્સચેન્જ ફાઈલિંગમાં જણાવ્યું કે, તેના શેરહોલ્ડર્સે IPOમાં 4,250 કરોડના નવા ઈક્વિટી શેર ઈશ્યૂ કરવાના પ્રસ્તાવને મંજૂરી આપી દીધી છે. આ મંજૂરી 25 જૂનની એક્સટ્રાઓર્ડિનરી જનરલ મીટિંગમાં મળી હતી. મીશો આ વર્ષે દિવાળી સુધીમાં ભારતીય શેરબજારમાં લિસ્ટ થવાની તૈયારી કરી રહી છે.

IPOમાં નવા શેર અને ઓફર ફોર સેલ

મીશોના IPOમાં નવા ઈક્વિટી શેર ઉપરાંત કેટલાક હાલના શેરહોલ્ડર્સ દ્વારા ઓફર ફોર સેલ (OFS) પણ સામેલ હશે. કંપનીના મોટા શેરહોલ્ડર્સમાં જાપાનની જાણીતી કંપની સોફ્ટબેંકનો પણ સમાવેશ થાય છે, જેની આશરે 10% હિસ્સેદારી છે. આ ઉપરાંત, એલિવેશન કેપિટલ, પીક XV પાર્ટનર્સ અને પ્રોસસ પાસે 13-15%ની હિસ્સેદારી છે. વેસ્ટબ્રિજ કેપિટલ અને ફિડેલિટી પણ કંપનીના શેરહોલ્ડર્સમાં સામેલ છે.

મીશોએ તેના છેલ્લા ફંડિંગ રાઉન્ડમાં 55 કરોડ ડોલર એકત્ર કર્યા હતા, જે બાદ તેની વેલ્યુએશન આશરે 3.9 અબજ ડોલર થઈ હતી. આ ફંડિંગમાં ટાઈગર ગ્લોબલ, થિંક ઈન્વેસ્ટમેન્ટ્સ અને માર્સ ગ્રોથ કેપિટલે ભાગ લીધો હતો, જેમાં પીક XV પાર્ટનર્સ અને વેસ્ટબ્રિજ કેપિટલે પણ રોકાણ કર્યું હતું.

હેડક્વાર્ટરનું ભારતમાં સ્થળાંતર

મીશોએ ગયા સપ્તાહે તેનું હેડક્વાર્ટર અમેરિકાના ડેલાવેરથી ભારતમાં સ્થળાંતર કરવાની પ્રક્રિયા પૂર્ણ કરી છે. ભારતીય શેરબજારમાં લિસ્ટ થવા માટે આ પગલું ફરજિયાત હતું. કંપનીએ 2024માં આ પ્રક્રિયા શરૂ કરી હતી. શરૂઆતના દિવસોમાં, 2017માં મીશોના પ્રારંભિક રોકાણકાર વાઈ કોમ્બિનેટરએ તેની પોર્ટફોલિયો કંપનીઓ માટે ભારતની બહાર હેડક્વાર્ટર હોવું ફરજિયાત કર્યું હતું, જેથી ફંડિંગ અને સ્કેલિંગ સરળ બને. આ કારણે મીશો અમેરિકા આધારિત કંપની બની હતી. હવે, ભારતમાં પરત આવ્યા બાદ મીશો SEBI પાસે ડ્રાફ્ટ રેડ હેરિંગ પ્રોસ્પેક્ટસ ફાઈલ કરશે.

વિદિત આત્રેની નવી ભૂમિકા