ગુજરાતમાં દત્તક ગ્રહણ: દીકરીઓ પ્રથમ પસંદ, 10 વર્ષમાં 1297 બાળકોને મળ્યો નવો પરિવાર

Child adoption Gujarat: ગુજરાતમાં બાળક દત્તક લેવાનું પ્રમાણ સતત વધી રહ્યું છે, અને એક સુખદ બાબત એ છે કે પરિવારવિહોણા બાળકોને નવા ઘર અને સ્નેહપૂર્ણ માહોલ મળી રહ્યા છે. છેલ્લા 10 વર્ષના આંકડા દર્શાવે છે કે કુલ 1297 બાળકોને દત્તક લેવામાં આવ્યા છે, જેમાં દીકરીઓનું પ્રમાણ નોંધપાત્ર રીતે વધારે છે. આ દત્તક ગ્રહણ પ્રક્રિયા સમાજમાં એક સકારાત્મક પરિવર્તન લાવી રહી છે. દર વર્ષે નવેમ્બર મહિનાને ‘એડોપ્શન અવેરનેસ મંથ’ એટલે કે ‘દત્તક ગ્રહણ માસ’ તરીકે ઉજવવામાં આવે છે, જે આ પ્રક્રિયા પ્રત્યે જાગૃતિ ફેલાવવામાં મદદરૂપ થાય છે.

ગુજરાતમાં દત્તક ગ્રહણના આંકડા

છેલ્લા 10 વર્ષના સમયગાળામાં ગુજરાતમાં કુલ 1297 બાળકોને દત્તક લેવામાં આવ્યા. આ આંકડા દર્શાવે છે કે દત્તક લેવાયેલા બાળકોમાંથી 55% દીકરીઓ છે, જે દર્શાવે છે કે દીકરીઓને સ્વીકારવાનું અને તેમને પરિવારમાં લાવવાનું વલણ વધ્યું છે. આ ઉપરાંત, છેલ્લા 10 વર્ષમાં દત્તક લેવાયેલા બાળકોમાંથી 14% બાળકોને વિદેશમાં સ્થાયી થયેલા પરિવારો દ્વારા આશ્રય મળ્યો છે. ગુજરાતમાંથી વિદેશમાં સ્થાયી થયેલા લોકો દ્વારા દત્તક લેવાયેલા બાળકોની સંખ્યા 177 છે, જેમાં 61 છોકરાઓ અને 89 છોકરીઓનો સમાવેશ થાય છે, જે દર્શાવે છે કે વિદેશમાં સ્થાયી થયેલા પરિવારો માટે પણ દીકરી પ્રથમ પસંદગી રહી છે.

રાષ્ટ્રીય સ્તરનું દૃશ્ય

સમગ્ર દેશમાં બાળકને દત્તક લેવા માટે રાહ જોવાનો સરેરાશ સમયગાળો 3 વર્ષ 6 મહિનાનો છે. 2024-25ના વર્ષમાં દેશભરમાં 4500થી વધુ બાળકોને દત્તક લેવામાં આવ્યા, જે છેલ્લા 10 વર્ષનો સૌથી મોટો આંકડો છે. હાલમાં પણ સેન્ટ્રલ એડોપ્શન રિસર્ચ ઓથોરિટી (CARA)માં 36 હજારથી વધુ માતા-પિતા બાળક દત્તક લેવા માટે નોંધાયેલા છે, જે દત્તક ગ્રહણ પ્રત્યેની રુચિ અને જાગૃતિ દર્શાવે છે.

બાળક દત્તક લેવા માટેની પાત્રતાના નિયમો: બાળક દત્તક લેવા માટેના કેટલાક મહત્ત્વના નિયમો અને પાત્રતા નીચે મુજબ છે:

દંપતી માટે:-