Ahmedabad Air Pollution: દિલ્હી બાદ હવે અમદાવાદમાં પણ વાયુ પ્રદૂષણનો પ્રકોપ! 17 વિસ્તારોમાં AQI 200ને પાર, થલતેજ સૌથી વધુ પ્રદૂષિત

Ahmedabad Air Pollution: અમદાવાદ શહેરમાં આ વર્ષે પણ નાગરિકો દ્વારા ભારે ધામધૂમથી અને મોટા પ્રમાણમાં ફટાકડા ફોડીને દિવાળીના તહેવારની ઉજવણી કરવામાં આવી છે. જોકે, આ ભવ્ય ઉજવણી બાદ હવે શહેરની હવામાં પ્રદૂષણનું પ્રમાણ ચિંતાજનક રીતે વધી ગયું છે. દેશની રાજધાની દિલ્હીની જેમ હવે અમદાવાદમાં પણ વાયુ પ્રદૂષણની ગંભીર અસર જોવા મળી રહી છે. ફટાકડાના ધુમાડા અને બદલાતા વાતાવરણને કારણે શહેરના અનેક વિસ્તારોમાં હવાની ગુણવત્તા (Air Quality) જોખમી સ્તરે પહોંચી ગઈ છે.

થલતેજ બન્યો શહેરનો સૌથી વધુ પ્રદૂષિત વિસ્તાર

તાજેતરમાં સામે આવેલા આંકડાઓ મુજબ, અમદાવાદના આશરે 17 જેટલા મુખ્ય વિસ્તારોમાં એર ક્વોલિટી ઈન્ડેક્સ (AQI) 200 નો આંકડો વટાવી ચૂક્યો છે, જેને સ્વાસ્થ્ય માટે 'સિવિયર' (ગંભીર/ખરાબ) ગણવામાં આવે છે. શહેરમાં સૌથી વધુ પ્રદૂષિત વિસ્તાર તરીકે થલતેજ નોંધાયો છે, જ્યાં AQI 276 સુધી પહોંચી ગયો છે. આ ઉપરાંત હેબતપુરમાં 264 અને સોલા સ્ટેશન-2 માં 262 AQI નોંધાતા સ્થાનિક લોકો માટે ખુલ્લી હવામાં શ્વાસ લેવો પણ મુશ્કેલ બન્યો છે.

અમદાવાદના અન્ય મુખ્ય વિસ્તારોમાં કેટલો નોંધાયો AQI?