Air India Express: 1279 રૂપિયામાં હવાઈ સફર! એર ઇન્ડિયા એક્સપ્રેસની ફ્રીડમ સેલની ધમાકેદાર ઓફર

Air India Express: ભારતના 79મા સ્વતંત્રતા દિવસની ઉજવણીમાં એર ઇન્ડિયા એક્સપ્રેસે ફ્રીડમ સેલની જાહેરાત કરી છે. આ ઓફરમાં ડોમેસ્ટિક અને ઇન્ટરનેશનલ ફ્લાઇટ્સ માટે લગભગ 50 લાખ સીટ્સ ઉપલબ્ધ છે. ડોમેસ્ટિક ફ્લાઇટ્સની ટિકિટ 1279 રૂપિયાથી શરૂ થાય છે, જ્યારે ઇન્ટરનેશનલ ફ્લાઇટ્સ માટે 4279 રૂપિયાથી શરૂઆતી કિંમત છે. આ ઓફર 19 ઓગસ્ટ 2025થી 31 માર્ચ 2026 સુધીની મુસાફરી માટે માન્ય છે, અને બુકિંગ 15 ઓગસ્ટ 2025 સુધી ખુલ્લું રહેશે.

ક્યાંથી અને કેવી રીતે બુક કરશો?

આ સેલ 10 ઓગસ્ટ 2025થી એર ઇન્ડિયા એક્સપ્રેસની ઓફિશિયલ વેબસાઇટ અને એપ પર શરૂ થયો છે. 11 ઓગસ્ટથી 15 ઓગસ્ટ સુધી આ ઓફર અન્ય મુખ્ય બુકિંગ ચેનલ્સ પર પણ ઉપલબ્ધ રહેશે. આ એક શાનદાર તક છે જેમાં તમે ઓછા ખર્ચે દેશ-વિદેશની મુસાફરીનું આયોજન કરી શકો છો.

ઇન્ડિગોની પણ ધમાકેદાર ઓફર

આ પહેલાં ઇન્ડિગોએ પણ તેના 19 વર્ષ પૂર્ણ થવાની ઉજવણીમાં હેપ્પી ઇન્ડિગો ડે સેલ લોન્ચ કરી હતી. આ ઓફર 3 ઓગસ્ટથી 6 ઓગસ્ટ 2025 સુધી ખુલ્લી હતી, જે 10 ઓગસ્ટ 2025થી 31 માર્ચ 2026 સુધીની મુસાફરી માટે માન્ય હતી. આ ઓફર ગ્રાહકોના સતત સમર્થનનો આભાર માનવાનો એક રસ્તો હતો. જો તમે સસ્તામાં મુસાફરી કરવા માંગો છો, તો એર ઇન્ડિયા એક્સપ્રેસની આ ફ્રીડમ સેલનો લાભ લો. બુકિંગ માટે વેબસાઇટ અથવા એપની મુલાકાત લો અને તમારી ટિકિટ હમણાં જ બુક કરો!

આ પણ વાંચો- S-400ની શક્તિએ બનાવ્યો વિશ્વ રેકોર્ડ: શું હવે પુતિન સાથે Su-57, S-500ની થશે ડીલ?