Bank Strike Cancelled: દેશના કરોડો બેંક ગ્રાહકો માટે એક મોટા અને રાહતના સમાચાર સામે આવ્યા છે. જો તમારું ખાતું પણ કોઈ બેંકમાં છે, તો આ સમાચાર તમારા માટે ખૂબ જ મહત્વના છે. 28 થી 30 સપ્ટેમ્બર સુધી ચાલનારી 3 દિવસીય દેશવ્યાપી બેંક હડતાળ હવે છેલ્લી ઘડીએ મોકૂફ દેવામાં આવી છે.
Bank Strike Cancelled: બેંક હડતાળ મોકૂફનો નિર્ણય આખરે કેવી રીતે લેવાયો? જાણો 5 દિવસીય વર્કિંગ પર શું લેવાયો નિર્ણય?
Bank Strike Cancelled: 28થી 30 સપ્ટેમ્બરની બેંક હડતાળ મોકૂફ રાખવામાં આવી છે. IBA અને UFBU વચ્ચેની બેઠક બાદ આ નિર્ણય લેવાયો. જાણો 5-Day વર્કિંગ અને અન્ય માંગણીઓ વિશે લેટેસ્ટ અપડેટ.
MoneyControl Newsઅપડેટેડ Sep 28, 2026 પર 11:08 AM
હડતાળ કેમ ટળી?
ઇન્ડિયન બેંક્સ એસોસિએશન (IBA) અને યુનાઇટેડ ફોરમ ઓફ બેંક યુનિયન્સ (UFBU) ના નેતાઓ વચ્ચે 27 સપ્ટેમ્બરે રાત્રે 9:30 વાગ્યે એક મહત્વની બેઠક યોજાઈ હતી. આ હાઈ-લેવલ મીટિંગમાં સકારાત્મક ચર્ચા થતાં હડતાળ પાછી ખેંચવાનો નિર્ણય લેવામાં આવ્યો છે. ખાસ વાત એ છે કે અગાઉ આ હડતાળને ધ્યાનમાં રાખીને ગ્રાહકોને તકલીફ ન પડે તે માટે રવિવારે પણ દેશની સરકારી બેંકો ચાલુ રાખવામાં આવી હતી.
શું 5 દિવસીય બેંકિંગની માંગ સ્વીકારાઈ?
બેંક કર્મચારીઓની સૌથી મોટી માંગ અઠવાડિયામાં માત્ર 5 દિવસ કામ અને શનિવાર-રવિવાર રજા આપવાની છે. આ મુદ્દે નાણા મંત્રાલયે હજુ સુધી કોઈ અંતિમ મંજૂરી આપી નથી. તમામ શનિવારે રજા રાખવાના મુદ્દે ગ્રાહકો અને બેંક કર્મચારીઓ બંનેને અનુકૂળ આવે તેવો વચલો રસ્તો કાઢવા માટે IBA અને UFBU ની એક ખાસ 'હાઈ-લેવલ કમિટી' બનાવવાનો નિર્ણય લેવાયો છે.
બેઠકમાં લેવાયેલા અન્ય મુખ્ય નિર્ણયો:
યુનિયન દ્વારા બહાર પાડવામાં આવેલા સર્ક્યુલર મુજબ, નીચેના મુદ્દાઓ પર સહમતિ બની છે:
PLI સ્કીમમાં સુધારો: સ્કેલ 4 અને તેનાથી ઉપરના અધિકારીઓ માટે પર્ફોર્મન્સ લિંક્ડ ઇન્સેન્ટિવ (PLI) યોજનામાં યુનિયનોના વાંધાને ધ્યાનમાં રાખીને, IBA હવે સરકાર સમક્ષ નવા સુધારાનો પ્રસ્તાવ મુકશે.
બાકી રહેલા મુદ્દાઓનો ઉકેલ: અગાઉની બેઠકોમાં જે જૂના અને પડતર મુદ્દાઓ બાકી રહી ગયા હતા, તેનો પણ હવે ઝડપથી નિકાલ લાવવા માટે ચર્ચા કરવામાં આવશે.
"અમારો હેતુ ગ્રાહકોને હેરાન કરવાનો નથી"
યુનાઇટેડ ફોરમ ઓફ હિમાચલ પ્રદેશના કન્વીનર નરેન્દ્ર શર્માએ સ્પષ્ટ કર્યું છે કે, "અમારો ઈરાદો ગ્રાહકોને મુશ્કેલીમાં મૂકવાનો ક્યારેય નહોતો. અમે બેંકિંગ સેવાઓનું મહત્વ સારી રીતે જાણીએ છીએ. પરંતુ છેલ્લા 2.5 વર્ષથી અમારી વ્યાજબી માંગણીઓ લટકેલી હોવાથી અમારે વિરોધનો માર્ગ અપનાવવો પડ્યો હતો. હવે બેઠકમાં હકારાત્મક ચર્ચા થતાં અમે આંદોલન અને હડતાળ મોકૂફ રાખી છે."
બેંક કર્મચારીઓની હડતાળ પાછી ખેંચાવાથી સામાન્ય જનતા અને વેપારી વર્ગને મોટી રાહત મળી છે. 3 દિવસ બેંકો બંધ રહેવાથી મોટા આર્થિક વ્યવહારો અટકી જવાની જે શક્યતા હતી, તે હવે દૂર થઈ ગઈ છે અને તમામ બેંકિંગ કામકાજ રાબેતા મુજબ ચાલુ રહેશે.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.