PM મોદીની કટરામાં ઐતિહાસિક જનસભા: ચિનાબ બ્રિજનું લોકાર્પણ, જમ્મુ-કાશ્મીરના વિકાસને નવી દિશા

વંદે ભારત ટ્રેનમાં ઝડપી અને આરામદાયક મુસાફરી

કટરા અને શ્રીનગર વચ્ચે બે વંદે ભારત એક્સપ્રેસ ટ્રેન (ટ્રેન નંબર 26404/26403 અને 26401/26402) 7 જૂનથી દોડશે, જે બન્હાલ ખાતે રોકાશે. આ ટ્રેનો માત્ર 3 કલાકમાં કટરા-શ્રીનગરનું અંતર કાપશે, જે પહેલાના મુકાબલે 2-3 કલાક ઓછો સમય લેશે. આ ટ્રેનો પ્રવાસીઓ, યાત્રીઓ અને સ્થાનિક લોકો માટે આરામદાયક અને સુરક્ષિત મુસાફરીનો વિકલ્પ પૂરો પાડશે, ખાસ કરીને શિયાળામાં જ્યારે શ્રીનગર-જમ્મુ હાઈવે બંધ થઈ જાય છે.

જમ્મુ-કાશ્મીરના વિકાસને નવો વેગ

PM મોદીએ આ પ્રસંગે 46,000 કરોડ રૂપિયાના વિવિધ ડેવલપમેન્ટ પ્રોજેક્ટ્સનું લોકાર્પણ અને શિલાન્યાસ કર્યો, જે જમ્મુ-કાશ્મીરને વિકાસની નવી દિશા આપશે. તેમણે જણાવ્યું કે આ પ્રોજેક્ટ્સ દ્વારા ઈન્ડસ્ટ્રી, ટૂરિઝમ અને ઈકોનોમીને બૂસ્ટ મળશે. “જમ્મુ-કાશ્મીર ભારતનો શીરપર શોભતો તાજ છે. અહીં IIT, NEET અને હોસ્પિટલોની સંખ્યા વધી છે, જે આ પ્રદેશના યુવાનો અને લોકોના ભવિષ્યને ઉજ્જવળ બનાવશે,” તેમણે ઉમેર્યું.

#WATCH | Katra, J&K | PM Narendra Modi says, "Udhampur-Srinagar-Baramulla rail line project is not just a name, it is the identity of the new power of Jammu & Kashmir. It is a proclamation of the new power of India. A while ago, I got the opportunity to inaugurate the Chenab and… pic.twitter.com/uvnipcY6cA — ANI (@ANI) June 6, 2025

ભારતની એકતાનું પ્રતીક

PM મોદીએ તેમના સંબોધનની શરૂઆત ‘જય માતાદી’ના જયઘોષ સાથે કરી અને કહ્યું કે આ રેલ પ્રોજેક્ટ ભારતની એકતાનું પ્રતીક છે. “આ બ્રિજ અને રેલ લાઇન ફક્ત ઈન્ફ્રાસ્ટ્રક્ચર નથી, પરંતુ લાખો લોકોના સપનાની પરિપૂર્તિ છે. અમે વર્ષો જૂના અટકેલા પ્રોજેક્ટ્સને પૂર્ણ કર્યા અને પડકારોને પડકાર આપવાનો માર્ગ પસંદ કર્યો,” તેમણે ભારપૂર્વક જણાવ્યું.

સુરક્ષા અને તૈયારીઓ

PM મોદીની મુલાકાત પહેલા કટરા અને ઉધમપુર રેલવે સ્ટેશન પર સુરક્ષા વ્યવસ્થા કડક કરવામાં આવી હતી. જમ્મુ-કાશ્મીરના મુખ્યમંત્રી ઓમર અબ્દુલ્લા અને કેન્દ્રીય મંત્રી જિતેન્દ્ર સિંહે ગુરુવારે કટરા સ્ટેશનની મુલાકાત લઈને તૈયારીઓનું નિરીક્ષણ કર્યું હતું. ઓમર અબ્દુલ્લાએ જણાવ્યું, “આ પ્રોજેક્ટની શરૂઆત ત્યારે થઈ જ્યારે હું શાળામાં હતો. આજે મારા બાળકો પણ નોકરી કરે છે, અને આ પ્રોજેક્ટ પૂર્ણ થયો છે.”

ટૂરિઝમ અને ઈકોનોમીને બૂસ્ટ

ચિનાબ બ્રિજ અને અંજી બ્રિજ (ભારતનો પ્રથમ કેબલ-સ્ટેયડ રેલવે બ્રિજ) જમ્મુ-કાશ્મીરના ટૂરિઝમ અને ઈકોનોમીને નવો વેગ આપશે. આ બ્રિજ અને રેલ લાઇનથી શ્રી માતા વૈષ્ણો દેવી શ્રાઈન અને કાશ્મીરના પ્રવાસી સ્થળો સરળતાથી સુલભ બનશે. આ ઉપરાંત, રેલવે નેટવર્કથી જમ્મુ-કાશ્મીરના લોકો દેશના કોઈપણ ખૂણે સરળતાથી પહોંચી શકશે, જેનાથી વેપાર અને રોજગારની નવી તકો ખુલશે.

આ ઐતિહાસિક પ્રસંગે PM મોદીએ જમ્મુ-કાશ્મીરના લોકોના દાયકાઓ જૂના સપનાને સાકાર કરવા બદલ ગર્વ વ્યક્ત કર્યો. ચિનાબ બ્રિજ અને વંદે ભારત ટ્રેનનું લોકાર્પણ ન માત્ર જમ્મુ-કાશ્મીરના વિકાસને ગતિ આપશે, પરંતુ ભારતની એકતા અને સામર્થ્યનું પ્રતીક બનશે. આ પ્રોજેક્ટ્સ દેશના ઈન્ફ્રાસ્ટ્રક્ચર, ટૂરિઝમ અને ઈકોનોમીને નવી ઊંચાઈઓ આપશે, જેનાથી જમ્મુ-કાશ્મીર ભારતના વિકાસના નકશામાં વધુ મજબૂતીથી ઉભરશે.

આ પણ વાંચો- કટરા-શ્રીનગર વંદે ભારત એક્સપ્રેસ ટ્રેન શરૂ, જાણો ટિકિટ ભાડું, ટાઇમ ટેબલ અને સ્ટોપેજની સંપૂર્ણ વિગતો