સુપ્રીમ કોર્ટે કાવડ રૂટ પર નેમ પ્લેટ લગાવવાના નિર્ણય પર આપ્યો વચગાળાનો સ્ટે, કહ્યું- દુકાનદારોએ ઓળખ જાહેર કરવાની નથી જરૂર

કાવડ માર્ગ પર નેમ પ્લેટ લગાવવાના મામલે સુપ્રીમ કોર્ટનો મોટો નિર્ણય આવ્યો છે. સુપ્રીમ કોર્ટે કાવડ માર્ગ પર નેમ પ્લેટ લગાવવાના સરકારના નિર્ણય પર વચગાળાનો સ્ટે મૂકી દીધો છે અને કહ્યું છે કે દુકાનદારોએ તેમની ઓળખ જાહેર કરવાની જરૂર નથી. આ સિવાય કોર્ટે યુપી, ઉત્તરાખંડ અને મધ્યપ્રદેશની સરકારોને પણ નોટિસ પાઠવીને શુક્રવાર સુધીમાં જવાબ માંગ્યો છે.

તો પછી દુકાનદારોએ શું કહેવું પડશે?

સુપ્રીમ કોર્ટે કહ્યું કે દુકાનદારોએ માત્ર ખોરાકનો પ્રકાર જાહેર કરવો પડશે કે તે શાકાહારી છે કે માંસાહારી. નેમ પ્લેટ કેસની આગામી સુનાવણી 26 જુલાઈએ થશે.

શું છે સમગ્ર મામલો?

આજે સુપ્રીમ કોર્ટમાં કાવડ યાત્રા-નેમપ્લેટ વિવાદ કેસમાં સુનાવણી હાથ ધરવામાં આવી હતી. આ દરમિયાન સુપ્રીમ કોર્ટે આ નિર્ણય આપ્યો હતો. વાસ્તવમાં, કાવડા યાત્રાના રૂટ પરના દુકાનદારોને સરકાર દ્વારા તેમની ઓળખ જાહેર કરવા માટે કહેવામાં આવ્યું હતું. જે બાદ દુકાનદારોએ તેમની દુકાનોની બહાર તેમના નામના પોસ્ટર લગાવ્યા હોવાનું જોવા મળ્યું હતું. આ બાબત અંગે એ પણ બહાર આવ્યું છે કે ઘણી દુકાનો હિન્દુઓના નામ પર હતી પરંતુ તેના માલિક મુસ્લિમ હતા.

સોશિયલ મીડિયા પર મોટી સંખ્યામાં લોકો આ મામલે પોતાનો પ્રતિભાવ આપી રહ્યા હતા અને રાજકીય નિવેદનો પણ સામે આવી રહ્યા હતા. સરકારના આ નિર્ણયનો વિરોધ પક્ષો વિરોધ કરી રહ્યા હતા.

આ પણ વાંચો - કેરળમાં નિપાહ વાયરસથી એક બાળકનું મોત... હાઇ લેવલ બેઠક બાદ એલર્ટ જાહેર, જાણો લક્ષણોથી લઈને નિવારણ