Get App

Surat industry affected by US tariffs: અમેરિકાના 25% ટેરિફથી સુરતના હીરા અને ટેક્સટાઈલ ઉદ્યોગમાં ચિંતાનો માહોલ

Surat Diamond Industry: આ ટેરિફની અસરથી બચવા સુરતના ઉદ્યોગકારો ડિજિટલ સેલ્સ, લેબ-ગ્રોન ડાયમંડ્સ અને એશિયા તથા મિડલ ઈસ્ટના બજારોમાં વિસ્તરણ જેવા વિકલ્પો પર વિચાર કરી રહ્યા છે.

MoneyControl Newsઅપડેટેડ Jul 31, 2025 પર 12:37 PM
Surat industry affected by US tariffs: અમેરિકાના 25% ટેરિફથી સુરતના હીરા અને ટેક્સટાઈલ ઉદ્યોગમાં ચિંતાનો માહોલSurat industry affected by US tariffs: અમેરિકાના 25% ટેરિફથી સુરતના હીરા અને ટેક્સટાઈલ ઉદ્યોગમાં ચિંતાનો માહોલ
સુરત, જે વિશ્વના 90 ટકા હીરાનું પોલિશિંગ અને મેન્યુફેક્ચરિંગ કરે છે, તે ભારતના હીરા એક્સપોર્ટનું મુખ્ય કેન્દ્ર છે.

Surat Diamond Industry: અમેરિકાએ ભારતીય એક્સપોર્ટ પર 25 ટકા ટેરિફ લાદવાની જાહેરાત કરતાં સુરતના હીરા અને ટેક્સટાઈલ ઉદ્યોગકારોમાં ચિંતાનું મોજું ફરી વળ્યું છે. છેલ્લા ત્રણ વર્ષથી મંદીનો સામનો કરી રહેલા હીરા ઉદ્યોગને આ નવો ટેરિફ આઘાતજનક સાબિત થઈ શકે છે, જ્યારે ટેક્સટાઈલ ઉદ્યોગમાં પણ ઓર્ડરમાં ઘટાડાનો ભય સતાવી રહ્યો છે.

હીરા ઉદ્યોગ પર ટેરિફની સીધી અસર

સુરત, જે વિશ્વના 90 ટકા હીરાનું પોલિશિંગ અને મેન્યુફેક્ચરિંગ કરે છે, તે ભારતના હીરા એક્સપોર્ટનું મુખ્ય કેન્દ્ર છે. ભારતમાંથી અમેરિકામાં થતા 40 ટકા હીરા એક્સપોર્ટ, જેનું મૂલ્ય આશરે 8 બિલિયન ડોલર છે, તેના પર આ ટેરિફની સીધી અસર પડશે. અગાઉ નક્કી થયેલા સોદાઓમાં ચૂકવણી અટકાવી દેવામાં આવી છે, અને હવે નવા ટેરિફના નિયમો હેઠળ વેપાર કરવો પડશે. ઉદ્યોગકારોનું માનવું છે કે આગામી એક-બે મહિના હીરાનો વેપાર અટકી-અટકીને ચાલશે.

લાસ વેગાસ એક્ઝિબિશનમાં નક્કી થયેલા ઓર્ડર્સ પર પણ ખતરો મંડરાઈ રહ્યો છે. એક હીરા વેપારીએ જણાવ્યું, "અમે ઓર્ડર્સનું મેન્યુફેક્ચરિંગ શરૂ કરી દીધું હતું, પરંતુ ટેરિફની જાહેરાત બાદ ઓર્ડર્સ રોકાઈ ગયા છે." આ સ્થિતિને કારણે સુરતના લગભગ 8 લાખ કારીગરોની રોજગારી પર પણ અસર થઈ શકે છે.

બધા સમાચાર

+ વધુુ વાંચો