'હિમાલયની જેમ ઊંચાઈએ લઈ જઈશું આપણા દ્વિપક્ષીય સંબંધો', PM મોદી અને પ્રચંડે ભારત નેપાળની 'સુપર હિટ પાર્ટનરશીપ'નું આપ્યું વચન

પ્રધાનમંત્રી નરેન્દ્ર મોદીએ ગુરુવારે તેમના નેપાળ સમકક્ષ પુષ્પ દહલ પ્રચંડ સાથે મુલાકાત કરી હતી. આ દ્વિપક્ષીય બેઠક બાદ તેમણે કહ્યું કે ભારત અને નેપાળ તેમના દ્વિપક્ષીય સંબંધોને હિમાલયની ઊંચાઈ પર લઈ જવાનો પ્રયાસ કરશે, અને સરહદ મુદ્દા સહિત તમામ મુદ્દાઓને સમાન ભાવનાથી ઉકેલશે. મીટિંગ પછી મીડિયાને આપેલા નિવેદનમાં મોદીએ કહ્યું કે તેમણે અને પ્રચંડે ભવિષ્યમાં બંને દેશો વચ્ચે 'સુપર હિટ ભાગીદારી' બનાવવા માટે ઘણા મહત્વપૂર્ણ નિર્ણયો લીધા છે.

વાટાઘાટો બાદ મોદી અને પ્રચંડે સંયુક્ત રીતે અનેક ઈન્ફ્રાસ્ટ્રક્ચર પ્રોજેક્ટ શરૂ કરવાની જાહેરાત કરી હતી. બંને પક્ષોએ વેપાર અને ઉર્જા સહિત અનેક ક્ષેત્રોમાં સહકાર વધારવા માટે સાત કરારો પર હસ્તાક્ષર કર્યા હતા.

બંને નેતાઓએ ભારતમાં રૂપૈદિહા અને નેપાળમાં નેપાળગંજ ખાતે ઈન્ટીગ્રેટેડ ચેકપોસ્ટનું ડિજિટલી ઉદ્ઘાટન કર્યું હતું. તેમણે બિહારના બથનાહાથી નેપાળ કસ્ટમ યાર્ડ સુધીની માલસામાન ટ્રેનને પણ લીલી ઝંડી બતાવી હતી.

પ્રચંડની હાજરીમાં મોદીએ કહ્યું, "અમે અમારા સંબંધોને હિમાલયની ઉંચાઈ પર લઈ જવાનો પ્રયાસ ચાલુ રાખીશું. અને આ ભાવનાથી અમે તમામ મુદ્દાઓને ઉકેલીશું, પછી તે સરહદ સંબંધિત હોય કે અન્ય કોઈ મુદ્દો."