Copper Demand in India: કૉપરની ઘરેલું માંગ આગામી 2 વર્ષમાં 10-12% વધી શકે છે - ICRA

Copper Demand in India: ઇન્વેસ્ટમેન્ટ ઇન્ફર્મેશન એન્ડ ક્રેડિટ રેટિંગ એજન્સી (ICRA) ને અપેક્ષા છે કે આગામી બે વર્ષમાં ભારતમાં સ્થાનિક કૉપરનો વપરાશ વાર્ષિક ધોરણે 10-12% વધશે. જોકે, આ નાણાકીય વર્ષ 26 ના પ્રથમ સાત મહિનામાં જોવા મળેલી 14-15% ગ્રોથ કરતાં ધીમો હશે, કારણ કે મેટલના ઊંચા ભાવ ટૂંકા ગાળાની માંગને અસર કરી રહ્યા છે.

ઝડપી શહેરીકરણ, માળખાગત વિકાસ અને ગ્રીન એનર્જી સંક્રમણને કારણે ભારતમાં કૉપરનો ઉપયોગ વધી રહ્યો છે. રેટિંગ એજન્સીએ એક નિવેદનમાં જણાવ્યું હતું કે, "જ્યારે આંતરિક માંગના પરિબળો સ્વસ્થ રહે છે, ત્યારે પણ સ્થાનિક કૉપરના ઊંચા ભાવ ટૂંકા ગાળાની માંગ ગ્રોથને અસર કરે તેવી શક્યતા છે."

મધ્યમ ગાળામાં, નવીનીકરણીય ઉર્જા, પાવર ગ્રીડ, ડેટા સેન્ટર્સ અને ઇલેક્ટ્રિક વાહનો જેવા ઊર્જા-સંક્રમણ એપ્લિકેશનોમાંથી કૉપરની માંગ ઝડપથી વધવાની અપેક્ષા છે.

જ્યારે સપ્લાઈ સાઈડ પર ઘરેલૂ રિફાઇન્ડ કોપરની અછતની જાહેરાત કરવામાં આવી હતી. ક્ષમતા વધારા અને પુરવઠા પર્યાપ્તતામાં સુધારો થતાં આ ધીમે ધીમે ઘટવાની અપેક્ષા છે.