Get App

ટાટા ગ્રુપની આ કંપનીના રોકાણકારોને જલસા, મળશે પ્રતિ શેર 75 રૂપિયાનું બમ્પર ડિવિડન્ડ, ફટાફટ નોંધી લો રેકોર્ડ ડેટ

શેરબજારના રોકાણકારો માટે ખુશખબર! ટાટા ગ્રુપની દિગ્ગજ કંપની Tata Elxsi નાણાકીય વર્ષ 2025-26 માટે 75 રૂપિયાનું ડિવિડન્ડ આપશે. સાથે જ Trent પણ 6 રૂપિયાનું ડિવિડન્ડ આપશે. જાણો બંનેની રેકોર્ડ ડેટ અને સંપૂર્ણ વિગતો.

MoneyControl Newsઅપડેટેડ Jun 05, 2026 પર 4:01 PM
ટાટા ગ્રુપની આ કંપનીના રોકાણકારોને જલસા, મળશે પ્રતિ શેર 75 રૂપિયાનું બમ્પર ડિવિડન્ડ, ફટાફટ નોંધી લો રેકોર્ડ ડેટટાટા ગ્રુપની આ કંપનીના રોકાણકારોને જલસા, મળશે પ્રતિ શેર 75 રૂપિયાનું બમ્પર ડિવિડન્ડ, ફટાફટ નોંધી લો રેકોર્ડ ડેટ
ટાટા એલેક્સી ઓટોમોટિવ, હેલ્થકેર, બ્રોડકાસ્ટ અને ટ્રાન્સપોર્ટેશન જેવી ઇન્ડસ્ટ્રીઝને ટેક્નોલોજી અને ડિઝાઇન સર્વિસ પૂરી પાડે છે.

જો તમે શેરબજારમાં રોકાણ કરો છો અને સારા ડિવિડન્ડ આપતા શેરોની શોધમાં છો, તો તમારા માટે એક શાનદાર સમાચાર છે. ટાટા ગ્રુપની દિગ્ગજ આઈટી અને ડિઝાઇન કંપની ટાટા એલેક્સી  તેના શેરધારકોને મોટી ભેટ આપવા જઈ રહી છે. કંપનીએ પોતાના રોકાણકારોને તગડું ડિવિડન્ડ આપવાની જાહેરાત કરી છે.

પ્રતિ શેર મળશે 75 રૂપિયાનું ડિવિડન્ડ

ટાટા એલેક્સીએ નાણાકીય વર્ષ 2025-26 માટે પોતાના શેરધારકોને 75 રૂપિયા પ્રતિ શેરનું ફાઇનલ ડિવિડન્ડ આપવાની જાહેરાત કરી છે. ઉલ્લેખનીય છે કે, કંપનીએ નાણાકીય વર્ષ 2025 માં પણ રોકાણકારોને 75 રૂપિયાનું જ ડિવિડન્ડ આપ્યું હતું. આ શેરની ફેસ વેલ્યૂ 10 રૂપિયા છે.

ડિવિડન્ડની મહત્વની તારીખો નીચે મુજબ 

રેકોર્ડ ડેટ: ડિવિડન્ડ માટેની રેકોર્ડ ડેટ 10 જૂન નક્કી કરવામાં આવી છે. એટલે કે, આ તારીખ સુધી જે રોકાણકારોના ડિમેટ ખાતામાં શેર હશે તેમને ડિવિડન્ડનો લાભ મળશે.

AGM ની તારીખ: ફાઇનલ ડિવિડન્ડ પર મંજૂરી મેળવવા માટે 24 જૂનના રોજ કંપનીની વાર્ષિક સાધારણ સભા યોજાશે.

પેમેન્ટ ડેટ: AGM માં મંજૂરી મળ્યા બાદ, 30 જૂન અથવા તે પછી રોકાણકારોના બેંક ખાતામાં ડિવિડન્ડના પૈસા જમા થઈ જશે.

બધા સમાચાર

+ વધુુ વાંચો