Closing Bell : શેરબજારમાં મે વાયદા સીરીઝની ધમાકેદાર શરૂઆત, સેન્સેક્સ 610 પોઈન્ટ ઉછળ્યો, ઓટો શેરોમાં તોફાની તેજી

Closing Bell : ભારતીય શેરબજારમાં બુધવારે રોકાણકારો માટે ખુશીના સમાચાર આવ્યા છે. મે વાયદા સીરીઝની શરૂઆત ખૂબ જ મજબૂત રહી છે. દિવસના અંતે ભારતીય ઇક્વિટી બેન્ચમાર્ક ઇન્ડેક્સ પોઝિટિવ નોટ પર બંધ થયા છે. નિફ્ટી 150 પોઈન્ટથી વધુ ઉછળીને 24,150 ની સપાટી વટાવી ગયો છે, જ્યારે સેન્સેક્સમાં પણ 600 પોઈન્ટથી વધુનો વધારો જોવા મળ્યો છે.

બજારની આજની સ્થિતિ

કારોબારના અંતે સેન્સેક્સ 610 પોઈન્ટના વધારા સાથે બંધ થયો હતો. નિફ્ટી 50 ઇન્ડેક્સમાં પણ સારી ખરીદી જોવા મળી, જે 24,150 ના સ્તરની ઉપર સ્થિર થયો છે. બજારમાં વોલેટિલિટી દર્શાવતો ઇન્ડેક્સ 'INDIA VIX' પણ 5% થી વધુ ઘટીને 17 ની નજીક આવી ગયો છે, જે બજાર માટે સારા સંકેત છે.

ઓટો અને ડિફેન્સ શેરોમાં તેજીની લહેર

આજના કારોબારમાં સૌથી વધુ આકર્ષણ ઓટો સેક્ટરમાં જોવા મળ્યું હતું. ઓટો ઇન્ડેક્સ 2% થી વધુ વધ્યો છે. ખાસ કરીને મારૂતિ સુઝુકી અને ફોર્સ મોટર્સના શેર 4% સુધી ઉછળ્યા હતા. આ ઉપરાંત રક્ષા મંત્રાલય હેઠળની કંપનીઓ એટલે કે ડિફેન્સ શેરોમાં પણ રોકાણકારોએ જોરદાર ખરીદી કરી હતી. FMCG, IT અને ફાર્મા સેક્ટરમાં પણ સારી રોનક જોવા મળી હતી. જોકે, મેટલ અને NBFC શેરો પર આજે થોડું દબાણ જોવા મળ્યું હતું.

આજના મુખ્ય વધનાર અને ઘટનાર શેર

ટોપ ગેનર્સ