Closing Bell : સેન્સેક્સ 394 પોઈન્ટ ઉછળ્યો, નિફ્ટી 23200 ની પાર, IT સિવાય તમામ સેક્ટરમાં જોવા મળી તેજી

Closing Bell : ભારતીય શેરબજારમાં આજે 9 જૂનના રોજ ફરી એકવાર તેજીનો શાનદાર માહોલ જોવા મળ્યો છે. આજે ટ્રેડિંગ સેશનના અંતે સેન્સેક્સ અને નિફ્ટી બંને મુખ્ય ઇન્ડેક્સ મજબૂત વધારા સાથે ગ્રીન ઝોનમાં બંધ થવામાં સફળ રહ્યા છે. નિફ્ટી 50 ઇન્ડેક્સે આજે ફરીથી 23,200 ની મહત્વની સપાટી પાર કરી લીધી છે. માર્કેટ માટે સૌથી હકારાત્મક બાબત એ રહી કે આજે IT  સેક્ટરના શેર્સને બાદ કરતા લગભગ તમામ સેક્ટરમાં રોકાણકારોએ ધૂમ ખરીદી કરી હતી.

સેન્સેક્સ અને નિફ્ટીનું ક્લોઝિંગ અપડેટ

આખા દિવસના ઉતાર-ચઢાવ બાદ, બોમ્બે સ્ટોક એક્સચેન્જનો મુખ્ય ઇન્ડેક્સ સેન્સેક્સ 394.50 પોઈન્ટ એટલે કે 0.54 ટકાના ઉછાળા સાથે 73,918.76 ના લેવલ પર બંધ રહ્યો હતો. આ જ રીતે, નેશનલ સ્ટોક એક્સચેન્જનો નિફ્ટી 50 ઇન્ડેક્સ પણ 119.10 પોઈન્ટ અથવા 0.52 ટકા વધીને 23,242.10 ની સપાટીએ મજબૂતી સાથે બંધ થયો હતો.

આજના ટોપ ગેનર્સ અને લુઝર્સ શેર્સ

બજારની આ તેજીમાં કેટલાક શેર્સે રોકાણકારોને સારી એવી કમાણી કરાવી છે. આજે નિફ્ટી પર સૌથી વધુ વધારો ઈન્ટરગ્લોબ એવિએશન (IndiGo), જિયો ફાઈનાન્સિયલ, આઈશર મોટર્સ, SBI અને અપોલો હોસ્પિટલ્સના શેરમાં જોવા મળ્યો હતો.

બીજી તરફ, નફો બુક કરવાના દબાણને કારણે ONGC, ટાઈટન કંપની, NTPC, પાવર ગ્રીડ કોર્પ અને ટેક મહિન્દ્રા જેવા દિગ્ગજ શેર્સ લાલ નિશાનમાં એટલે કે નુકસાન સાથે બંધ થયા હતા.

સેક્ટોરલ ઇન્ડેક્સ અને બ્રોડર માર્કેટની સ્થિતિ