YES Bank Share Price : બુધવાર, 16 સપ્ટેમ્બરના રોજ YES Bankના શેરમાં લગભગ 5% સુધીની તેજી જોવા મળી હતી. પસંદગીના UPI મર્ચન્ટ ટ્રાન્ઝેક્શન પર Merchant Discount Rate (MDR) લાગુ કરવાની જાહેરાત બાદ બેન્કિંગ અને ડિજિટલ પેમેન્ટ ઇકોસિસ્ટમમાં આવકનો નવો સ્ત્રોત ઊભો થવાની શક્યતા વચ્ચે શેરમાં ખરીદી જોવા મળી હતી.
YES Bankના શેરમાં 5%નો ઉછાળો, સિટીના રિપોર્ટથી આવ્યું જોશ
16 સપ્ટેમ્બરે YES Bankના શેરમાં લગભગ 5% સુધીની તેજી જોવા મળી હતી. નવા UPI MDR ફ્રેમવર્કથી બેન્કિંગ અને ડિજિટલ પેમેન્ટ ઇકોસિસ્ટમ માટે વાર્ષિક ₹16,000-17,000 કરોડનું રેવન્યુ પૂલ ઊભું થવાની શક્યતા છે. Citiના અંદાજ મુજબ YES Bankના PBT અને PPOPમાં પણ વધારો થઈ શકે છે.
MoneyControl Newsઅપડેટેડ Sep 16, 2026 પર 3:22 PM
જોકે, બાદમાં શેરની તેજી થોડી ઘટી હતી. બપોરે લગભગ 1:40 વાગ્યે YES Bankનો શેર ₹0.27 અથવા 1.17% વધીને ₹23.36ની આસપાસ ટ્રેડ થઈ રહ્યો હતો. દિવસ દરમિયાન શેરે ₹24.10ની ઊંચી અને ₹23.29ની નીચી સપાટી બનાવી હતી.
15 ઓક્ટોબરથી UPI MDRના નવા નિયમો
નવા નિયમો હેઠળ 15 ઓક્ટોબરથી ₹2,000થી વધુના UPI Person-to-Merchant (P2M) ટ્રાન્ઝેક્શન પર મહત્તમ 0.4% MDR લાગુ થશે. આ ચાર્જની મહત્તમ મર્યાદા ₹300 રાખવામાં આવી છે.
આ ચાર્જ મર્ચન્ટ દ્વારા ચૂકવવાનો રહેશે, જ્યારે ગ્રાહકોને UPI ટ્રાન્ઝેક્શન માટે કોઈ ફી ચૂકવવાની રહેશે નહીં. એટલે કે ગ્રાહકો માટે UPI પેમેન્ટ પહેલાની જેમ જ ફ્રી રહેશે.
UPIથી ₹16,000-17,000 કરોડનું રેવન્યુ પૂલ બનવાની અપેક્ષા
યસ બેન્ક દ્વારા આપવામાં આવેલા અંદાજ અનુસાર, નવું એમડીઆર ફ્રેમવર્ક અત્યાર સુધીના ઝિરો-એમડીઆર મોડલથી અલગ છે. નવા નિયમોથી મર્ચન્ટ પેમેન્ટ માટે વાર્ષિક આશરે ₹16,000-17,000 કરોડનું રેવન્યુ પૂલ ઊભું થઈ શકે છે.
આ આવકમાંથી અંદાજે 60% હિસ્સો બેન્કિંગ સિસ્ટમને, 25% UPI એપ પ્રોવાઇડર્સને અને 15% નોન-બેન્ક પેમેન્ટ એગ્રીગેટર્સને મળવાનો અંદાજ છે.
યસ બેન્કને કેટલો ફાયદો થઈ શકે?
0સિટીના એક રિપોર્ટ અનુસાર, નવા એડીઆર ફ્રેમવર્કથી યસ બેન્કને નોંધપાત્ર લાભ મળી શકે છે. સિટીના અંદાજ મુજબ નવા એમડીઆર નિયમોથી યસ બેન્કના પ્રી-ટેક્સ્ટ પ્રોફિટ (PBT)માં 6-12% સુધીનો વધારો થઈ શકે છે.
તે ઉપરાંત બેન્કના Pre-Provision Operating Profit (PPOP)માં 5-10%ની વૃદ્ધિ થવાની શક્યતા Citiએ વ્યક્ત કરી છે.
Citi અનુસાર, આ MDR ચાર્જ UPI નેટવર્કના વિસ્તરણ સાથે જોડાયેલો છે અને તે કોઈ સરકારી ટેક્સ નથી. નવા રેવન્યુ મોડલને UPI ઇકોસિસ્ટમ સાથે જોડાયેલી બેન્કો અને પેમેન્ટ કંપનીઓ માટે મહત્વપૂર્ણ ફેરફાર તરીકે જોવામાં આવી રહ્યું છે.
ટેક્નિકલ એનાલિસ્ટે શું કહ્યું?
એક્સિસ સિક્યોરિટીઝના સિનિયર વાઇસ પ્રેસિડેન્ટ રિસર્ચ અને હેડ ઑફ રિસર્ચ રાજેશ પાલવિયાના જણાવ્યા અનુસાર, યસ બેન્કે ₹23ના આશરે છ અઠવાડિયાના સપ્લાય બેરિરને મજબૂતીથી પાર કર્યો છે. ભારે ટ્રેડિંગ વોલ્યુમ સાથે શેર લગભગ ₹24ની આસપાસ બંધ થયો હતો, જે માર્કેટમાં મજબૂત ભાગીદારી તરફ સંકેત કરે છે.
તેમના જણાવ્યા અનુસાર, ₹21.85ના મહત્વના 200-ડે સિમ્પ્લ મૂવિંગ એવરેજ (SMA) સપોર્ટ લેવલ પરથી મજબૂત ઉછાળા બાદ શેરની તેજીને વધુ વેગ મળ્યો છે. શેરે 20-ડે, 50-ડે અને 100-ડે એસએમએના સ્તરો પણ ફરીથી હાંસલ કર્યા છે.
ડેલી, વિકલી અને મંથલી આરએસઆઈ રીડિંગ્સ પણ બુલિશ ઝોનમાં મજબૂત રહેતા શેરમાં મોમેન્ટમને ટેકો મળ્યો હોવાનું તેમણે જણાવ્યું હતું.
ટેક્નિકલ અભિપ્રાય મુજબ ₹23ના સ્ટોપલોસ સાથે ₹27-30ના શોર્ટ-ટર્મ ટાર્ગેટ માટે શેરમાં ખરીદીની વ્યૂહરચના સૂચવવામાં આવી છે. જોકે, આ માત્ર ટેક્નિકલ એનાલિસ્ટનો અભિપ્રાય છે અને રોકાણનો નિર્ણય લેતા પહેલાં પોતાની રિસર્ચ તથા જોખમ ક્ષમતાને ધ્યાનમાં લેવી જરૂરી છે.
ડિસ્ક્લેમર: Moneycontrol.com પર આપવામાં આવેલા વિચાર અને રોકાણની સલાહ રોકાણ વિશેષજ્ઞોના પોતાના ખાનગી વિચાર અને સલાહ હોય છે. Moneycontrol યૂઝર્સને સલાહ આપે છે કે તે કોઈ રોકાણ નિર્ણય લેવાના પહેલા સર્ટિફાઈડ એક્સપર્ટથી સલાહ લો.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.