મણિપુરના મુખ્યમંત્રી બિરેન સિંહે પોતાના પદેથી આપ્યું રાજીનામું, રાજ્યમાં વધી રાજકીય હલચલ

Manipur CM N Biren Singh : મણિપુરના મુખ્યમંત્રી એન બિરેન સિંહે મુખ્યમંત્રી પદ પરથી રાજીનામું આપી દીધું છે. આ રાજીનામા સાથે રાજ્યમાં રાજકીય ગરમાવો આવ્યો છે. મણિપુરમાં વંશીય હિંસા ફાટી નીકળ્યાના લગભગ બે વર્ષ પછી મણિપુરના મુખ્યમંત્રી બિરેન સિંહનું રાજીનામું આવ્યું છે. ઘણા સમયથી તેમના રાજીનામાની માંગ કરવામાં આવી રહી હતી.

અમિત શાહને મળ્યા પછી નિર્ણય આવ્યો!

તમને જણાવી દઈએ કે એન બિરેન સિંહે આજે નવી દિલ્હીમાં ગૃહમંત્રી અમિત શાહ અને કેન્દ્રીય મંત્રી જેપી નડ્ડા સાથે મુલાકાત કરી હતી. દરમિયાન, મણિપુરના મુખ્યમંત્રી એન બિરેન સિંહે રવિવારે રાજધાની ઇમ્ફાલમાં રાજ્યપાલને મળ્યા બાદ પોતાના પદ પરથી રાજીનામું આપી દીધું. મળતી માહિતી મુજબ, કોંગ્રેસ દ્વારા અવિશ્વાસ પ્રસ્તાવ લાવવાની વાત કરવામાં આવ્યા બાદ એન બિરેન સિંહનું આ રાજીનામું પ્રકાશમાં આવ્યું છે. સૂત્રોના જણાવ્યા અનુસાર, સિંહ પર પાર્ટીની અંદર અને બહારથી દબાણ હતું.

તમને જણાવી દઈએ કે કોનરાડ સંગમાની નેશનલ પીપલ્સ પાર્ટીએ ભાજપ સરકારમાંથી ટેકો પાછો ખેંચવાની જાહેરાત કરી દીધી હતી. તે જ સમયે, એવું પણ કહેવામાં આવી રહ્યું હતું કે રાજ્યમાં નેતૃત્વ પરિવર્તનની માંગ કરી રહેલા ભાજપના ધારાસભ્યો જો ફ્લોર ટેસ્ટ થાય તો પોતાનો પક્ષ છોડી શકે છે.