રિયલ એસ્ટેટનો બબલ ફૂટ્યો? અમદાવાદની સાથે દિલ્હી, મુંબઈ, પુણે, હૈદરાબાદમાં પણ ઘરોનું વેચાણ ઘટ્યું

ભારતના રિયલ એસ્ટેટ માર્કેટમાં ઉથલપાથલ જોવા મળી રહી છે. આ વર્ષે જાન્યુઆરીથી માર્ચ સુધીના ત્રણ મહિનામાં દેશના મોટા શહેરોમાં ઘરોનું વેચાણ નોંધપાત્ર રીતે ઘટ્યું છે. આ ગાળામાં માત્ર 1 લાખથી ઓછા ઘરો વેચાયા, જે ગયા વર્ષની સરખામણીએ 19% ઓછું છે. જોકે, બેંગલુરુ અને ચેન્નાઈમાં ઘરોનું વેચાણ વધ્યું છે, પરંતુ મુંબઈ મેટ્રોપોલિટન રીજન (MMR), હૈદરાબાદ અને પુણેમાં સૌથી વધુ ઘટાડો જોવા મળ્યો છે.

શા માટે ઘટી રહ્યું છે ઘરોનું વેચાણ?

‘રિયલ ઇનસાઇટ રેસિડેન્શિયલ: Q1 2025' રિપોર્ટ અનુસાર, ઘરોના ભાવમાં સતત વધારો અને દેશની આર્થિક વૃદ્ધિમાં ધીમાપણું એ ઘરોના વેચાણમાં ઘટાડાના મુખ્ય કારણો છે. આ ઉપરાંત, લોકોની આવક ઘટવી કે લોન મેળવવામાં મુશ્કેલી પણ એક કારણ હોઈ શકે છે. રિપોર્ટમાં જણાવાયું છે કે લોકો હાલમાં રોકાણ કરવામાં સાવધાની રાખી રહ્યા છે, જેની અસર રિયલ એસ્ટેટ માર્કેટ પર સ્પષ્ટ દેખાઈ રહી છે.

કયા શહેરોમાં કેટલો ઘટાડો?

વર્ષ-દર-વર્ષના આધારે, મુંબઈ અને હૈદરાબાદમાં ઘરોના વેચાણમાં સૌથી વધુ 26%નો ઘટાડો થયો છે. પુણેમાં 25% અને દિલ્હી-એનસીઆરમાં 16%નો ઘટાડો નોંધાયો છે. બીજી તરફ, બેંગલુરુમાં 13% અને ચેન્નાઈમાં 8% વેચાણ વધ્યું છે.

નીચેનું કોષ્ટક આંકડાઓ દર્શાવે છે:-