Sunny Leone Buys an Office: સની લિયોન પણ આવી આ બિઝનેસમાં, એક જ વારમાં ખર્યા 8 કરોડ રૂપિયા

Sunny Leone Buys an Office Space: સની લિયોને પણ બોલિવૂડના અન્ય સ્ટાર્સના પગલે ચાલવાનું શરૂ કરી દીધું છે. અભિનય ઉપરાંત, તેમણે બીજો એક વ્યવસાય પણ શરૂ કર્યો છે. આ વ્યવસાય રિયલ એસ્ટેટ સાથે સંબંધિત છે. આજકાલ ઘણા બોલિવૂડ સ્ટાર્સ અલગ અલગ જગ્યાએ મિલકત ખરીદી અને વેચી રહ્યા છે. બોલિવૂડ અભિનેત્રી સની લિયોને પણ એક મિલકત ખરીદી છે. સની લિયોને મુંબઈના ઓશિવારામાં 8 કરોડ રૂપિયામાં ઓફિસ સ્પેસ ખરીદી છે. આ માહિતી સ્ક્વેર યાર્ડ્સ દ્વારા આપવામાં આવી હતી. મિલકતના દસ્તાવેજો અનુસાર, આ ઓફિસ સ્પેસ કરણજીત કૌર વેબરના નામે ખરીદવામાં આવી છે. તમને જણાવી દઈએ કે સની લિયોનનું સાચું નામ કરણજીત કૌર વેબર છે. આ મિલકત વીર સિગ્નેચરમાં સ્થિત છે, જે ઓશિવારામાં સ્થિત વીર ગ્રુપનો એક કોમર્શિયલ પ્રોજેક્ટ છે.

કેટલી મોટી છે ઓફિસની જગ્યા?

મિલકતના દસ્તાવેજો અનુસાર, આ ઓફિસ સ્પેસનો કાર્પેટ એરિયા 176.98 ચોરસ મીટર છે. બિલ્ટ-અપ વિસ્તાર 194.67 ચોરસ મીટર છે. તેમાં ત્રણ કાર પાર્કિંગ છે. આ વ્યવહારમાં રુપિયા 35.01 લાખની સ્ટેમ્પ ડ્યુટી અને રુપિયા 30,000ની નોંધણી ફીનો સમાવેશ થાય છે.

આ મિલકત કોણે વેચી?

સની લિયોને આ મિલકત આનંદ કમલનયન પંડિત અને રૂપા આનંદ પંડિતની માલિકીની કંપની ઐશ્વર્યા પ્રોપર્ટી એન્ડ એસ્ટેટ્સ પાસેથી ખરીદી છે. આનંદ પંડિત એક પ્રખ્યાત ફિલ્મ નિર્માતા, વિતરક અને રિયલ એસ્ટેટ ડેવલપર છે. તેમણે ટોટલ ધમાલ, ચેહરે અને ધ બિગ બુલ જેવી ફિલ્મો બનાવી છે.

રિયલ એસ્ટેટમાં હાથ અજમાવી રહ્યા છે ઘણા સ્ટાર્સ

આજકાલ ઘણા ફિલ્મ સ્ટાર્સ રિયલ એસ્ટેટમાં પોતાનો હાથ અજમાવી રહ્યા છે. તાજેતરમાં અમિતાભ બચ્ચને ઓશિવારામાં પોતાનો ડુપ્લેક્સ એપાર્ટમેન્ટ 8૩ કરોડ રૂપિયામાં વેચી દીધો. તેણે તેને 31 કરોડ રૂપિયામાં ખરીદ્યો હતો.