રિયલ એસ્ટેટ સેક્ટરમાં આવશે નોકરીઓનું ઘોડાપૂર! 2030 સુધીમાં 10 કરોડ લોકોને મળશે રોજગાર, માર્કેટ સાઈઝ પણ વધશે

Real Estate Jobs India: ભારતમાં છેલ્લા થોડા વર્ષોથી પ્રોપર્ટી માર્કેટ એટલે કે રિયલ એસ્ટેટ સેક્ટરમાં જબરદસ્ત મજબૂતી જોવા મળી રહી છે. મકાનો અને કોમર્શિયલ પ્રોજેક્ટ્સના વેચાણમાં વધારો થવાની સાથે હવે નોકરીના મોરચે પણ સારા સમાચાર આવ્યા છે. આગામી સમયમાં આ સેક્ટર ભારતના યુવાનો માટે રોજગારનું મોટું કેન્દ્ર બનવા જઈ રહ્યું છે. એક તાજા રિપોર્ટ મુજબ, આવનારા વર્ષોમાં રિયલ એસ્ટેટ સેક્ટરમાં નોકરીઓની ભરમાર જોવા મળશે.

2030 સુધીમાં 10 કરોડ નોકરીઓનું સર્જન

નેશનલ રિયલ એસ્ટેટ ડેવલપમેન્ટ કાઉન્સિલ (NAREDCO) અને KPMG દ્વારા બહાર પાડવામાં આવેલા એક સંયુક્ત રિપોર્ટમાં દાવો કરવામાં આવ્યો છે કે, 2030 સુધીમાં રિયલ એસ્ટેટ સેક્ટર આશરે 10 કરોડ લોકોને રોજગાર પૂરો પાડશે. હાલમાં આ ઉદ્યોગ લગભગ 7 કરોડ લોકોને રોજીરોટી આપી રહ્યો છે.

આ રોજગારી માત્ર મકાન બાંધકામ પૂરતી મર્યાદિત નથી. આમાં કન્સ્ટ્રક્શન, વેચાણ (Sales), ડિઝાઈનિંગ અને આર્કિટેક્ચર તેમજ તેની સાથે જોડાયેલા અન્ય ઉદ્યોગોમાં પણ મોટા પાયે ભરતીઓ થશે. આ રિપોર્ટનું વિમોચન આવાસ અને શહેરી બાબતોના મંત્રી મનોહર લાલ ખટ્ટર દ્વારા ‘NAREDCO કોન્ક્લેવ 2026’ દરમિયાન કરવામાં આવ્યું હતું.

અર્થવ્યવસ્થાને મળશે વેગ

આ રિપોર્ટમાં જણાવવામાં આવ્યું છે કે, જ્યારે પણ કોઈ નવો રિયલ એસ્ટેટ પ્રોજેક્ટ શરૂ થાય છે, ત્યારે માત્ર બિલ્ડરને જ ફાયદો નથી થતો, પરંતુ તેની સાથે જોડાયેલા અનેક ઉદ્યોગો ચાલે છે. જેમાં સિમેન્ટ, સ્ટીલ, ઈંટો, પેઈન્ટ (રંગ-રોગાન), કાચ, ફિટિંગ્સ અને લોજિસ્ટિક્સ જેવી સેવાઓની માંગ વધે છે. આ આખી ચેઈન અર્થવ્યવસ્થામાં આવકના નવા રસ્તાઓ ખોલે છે.

માર્કેટ સાઈઝ 88 ટ્રિલિયન રૂપિયા સુધી પહોંચશે