યુકેના પૂર્વ વડા પ્રધાન ઋષિ સુનકની મોટી જાહેરાત, વિદ્યાર્થીઓને ગણિતમાં નિપુણ બનાવવા માટે મફત યોજના કરશે શરૂ

પૂર્વ બ્રિટિશ વડા પ્રધાન ઋષિ સુનક અને તેમના પત્ની અક્ષતા મૂર્તિ વિદ્યાર્થીઓને ગણિતમાં નિપુણ બનાવવા માટે એક મફત યોજના શરૂ કરવા જઈ રહ્યા છે. સુનકે શનિવારે જાહેરાત કરી હતી કે તેઓ ઈંગ્લેન્ડમાં બાળકો અને યુવાનોમાં ગણિત કૌશલ્ય સુધારવા પર ધ્યાન કેન્દ્રિત કરતી એક નવી ચેરિટી શરૂ કરવાની યોજના ધરાવે છે. 'રિચમંડ પ્રોજેક્ટ' આ વર્ષના અંતમાં શરૂ કરવામાં આવશે.

તમને જણાવી દઈએ કે ગયા વર્ષે સુનકે '10 ડાઉનિંગ સ્ટ્રીટ' છોડ્યા પછી 44 વર્ષીય દંપતીનો આ પહેલો મોટો સંયુક્ત પ્રોજેક્ટ છે અને તેનો ઉદ્દેશ્ય શાળાના બાળકોને ગણિતમાં આત્મવિશ્વાસ વધારવામાં મદદ કરવાનો છે. સુનકે જણાવ્યું હતુ કે "આ વર્ષના અંતમાં, અક્ષતા અને હું રિચમંડ પ્રોજેક્ટ શરૂ કરીશું - ગણિત શિક્ષણ સુધારવા પર ધ્યાન કેન્દ્રિત કરતી એક નવી ચેરિટી શરૂ કરીશું,’

ખુલશે સંભાવનાઓના દ્વાર

સુનકની આ યોજના વિદ્યાર્થીઓ માટે વરદાન સાબિત થઈ શકે છે. ગણિતમાં નિપુણતા આત્મવિશ્વાસ વધારે છે. તે તકોના માર્ગ ખોલે છે, સામાજિક ગતિશીલતાને પ્રોત્સાહન આપે છે અને લોકોને આગળ વધવામાં મદદ કરે છે. પરંતુ હાલમાં, ઘણા લોકો સંઘર્ષ કરી રહ્યા છે. અક્ષતા મૂર્તિએ સોશિયલ મીડિયા પ્લેટફોર્મ ઇન્સ્ટાગ્રામ પર પોસ્ટ કરી અને કહ્યું કે આ પરોપકારી સંસ્થા શિક્ષણની શક્તિ પ્રત્યેના તેમના સહિયારા જુસ્સાને પ્રતિબિંબિત કરે છે. જે પ્રગતિનો માર્ગ ખોલે છે.