વીજ ગ્રાહકો માટે ખુશખબર: હવે લાઈટ બિલ આવશે ઓછું! CERC કરી રહ્યું છે આ મોટી તૈયારી

Electricity Rates in India: જો બધું સમુસૂતરું પાર ઉતર્યું તો દેશભરના વીજ ગ્રાહકોને ટૂંક સમયમાં મોટી રાહત મળી શકે છે. જી હા, આગામી સમયમાં વીજળીના ભાવમાં ઘટાડો થવાની પૂરેપૂરી શક્યતા છે. કેન્દ્રીય વિદ્યુત નિયમનકારી પંચ (CERC - Central Electricity Regulatory Commission) પાવર ટ્રેડિંગ એક્સચેન્જો પર લાગતી ટ્રાન્ઝેક્શન ફીને તર્કસંગત બનાવવા અને ઘટાડવા પર ગંભીરતાથી વિચાર કરી રહ્યું છે.

CERCની આ પહેલનો મુખ્ય હેતુ વીજળીના ભાવ ઘટાડવાનો છે. આ સુધારાથી સિસ્ટમમાં કાર્યક્ષમતા વધશે અને અલગ-અલગ એક્સચેન્જોમાં ભાવ નક્કી કરવાની પ્રક્રિયા વધુ પારદર્શક બનશે. આ પગલાંથી સમય જતા વીજળી ખરીદનારાઓ માટે કુલ ખર્ચમાં ઘટાડો થઈ શકે છે, જેનો સીધો લાભ સામાન્ય જનતાને મળશે.

જાન્યુઆરી 2026થી થશે નવી શરૂઆત

આ ફેરફારો રાતોરાત નથી થવાના, પરંતુ તેને તબક્કાવાર રીતે લાગુ કરવામાં આવશે. CERC એ આ વર્ષે જુલાઈમાં બે વર્ષથી વધુ સમય સુધી ચાલેલી ચર્ચાઓ બાદ 'માર્કેટ કપલિંગ' ને મંજૂરી આપી હતી. આ પ્રક્રિયા જાન્યુઆરી 2026થી શરૂ કરવામાં આવશે. 'માર્કેટ કપલિંગ'નો સાદો અર્થ એ છે કે અલગ-અલગ પાવર એક્સચેન્જોમાં થતી વીજળીની ખરીદ-વેચાણને એક જ સિસ્ટમ સાથે જોડી દેવી. આનાથી ફાયદો એ થશે કે વીજળીનો એક સમાન ભાવ નક્કી થઈ શકશે.

હાલના ચાર્જિસ પર ચાલી રહી છે તપાસ

એક અધિકારીના જણાવ્યા મુજબ, વીજળી એક્સચેન્જો દ્વારા વસૂલવામાં આવતી ટ્રાન્ઝેક્શન ફીની સમીક્ષા માટે ડિસેમ્બર 2025 ના સંદર્ભમાં એક ડ્રાફ્ટ તૈયાર કરવામાં આવ્યો છે. અત્યારે ટ્રાન્ઝેક્શન ફીની મર્યાદા પ્રતિ યુનિટ 2 પૈસા છે. હવે જ્યારે માર્કેટમાં વીજળીના કારોબારનું પ્રમાણ ખૂબ વધી ગયું છે અને બધું એકીકૃત થઈ રહ્યું છે, ત્યારે CERC એ તપાસ કરી રહ્યું છે કે શું જૂનો ફી સ્ટ્રક્ચર હજુ પણ યોગ્ય છે કે તેમાં ફેરફારની જરૂર છે.

ફી ઘટાડીને કેટલી કરવામાં આવશે?