Googleનો કર્મચારીઓને ખુલ્લો સંદેશ: "જો કામમાં મજા ન આવતી હોય તો પૈસા લો અને નોકરી છોડી દો"

Google Voluntary Exit Package: દુનિયાની દિગ્ગજ ટેક કંપની ગૂગલ (Google) હવે સંપૂર્ણપણે એક્શન મોડમાં આવી ગઈ છે. કંપનીએ પોતાના કર્મચારીઓને સ્પષ્ટ શબ્દોમાં કહી દીધું છે કે, જો તમને કામમાં મજા ન આવતી હોય તો તમે સામે ચાલીને કંપની છોડી શકો છો. ગૂગલે તેના ગ્લોબલ બિઝનેસ ઓર્ગેનાઈઝેશન (GBO) ના કર્મચારીઓ માટે ‘વોલન્ટરી એક્ઝિટ પેકેજ' (VEP) ની જાહેરાત કરી છે.

આ નિર્ણય પાછળનું મુખ્ય કારણ ગૂગલની ‘AI-ફર્સ્ટ’ (AI-First) રણનીતિ છે. કંપની હવે આર્ટિફિશિયલ ઈન્ટેલિજન્સ પર સૌથી વધુ ફોકસ કરી રહી છે અને તેને એવી ટીમ જોઈએ છે જે આ ઝડપી બદલાવ સાથે કદમ મિલાવી શકે.

"ઓલ ઇન" રહો અથવા રસ્તો બદલો

ગૂગલના ચીફ બિઝનેસ ઓફિસર, ફિલિપ શિન્ડલરે કર્મચારીઓને એક આંતરિક મેમો મોકલ્યો છે. રિપોર્ટ મુજબ, શિન્ડલરે લખ્યું છે કે, "આપણે 2025 ની શરૂઆત મજબૂત સ્થિતિમાં કરી છે, પરંતુ ટેકનોલોજીની દુનિયામાં રમત ખૂબ ઝડપથી બદલાઈ રહી છે. આ રેસમાં ટકી રહેવા માટે અમારે એવી ટીમ જોઈએ છે જે AI મિશન સાથે સંપૂર્ણ રીતે જોડાયેલી હોય."

તેમણે કર્મચારીઓને ‘અલ્ટીમેટમ' આપતા કહ્યું છે કે દરેક વ્યક્તિએ "ઓલ ઇન" (સંપૂર્ણ સમર્પણ સાથે) રહેવું પડશે. જે કર્મચારીઓને લાગે છે કે તેઓ કંપનીના આ નવા બદલાતા સ્વરૂપ સાથે તાલમેલ નથી સાધી શકતા અથવા તેમને આ સ્પીડમાં કામ કરવામાં "આનંદ નથી આવી રહ્યો", તેમના માટે કંપનીએ વળતર (Severance Package) સાથે સ્વેચ્છાએ રાજીનામું આપવાનો વિકલ્પ ખુલ્લો મૂક્યો છે.

કોને મળશે આ ઓફર અને કોને નહીં?

આ વોલન્ટરી એક્ઝિટ પ્લાનનો લાભ નીચે મુજબના વિભાગોના કર્મચારીઓ લઈ શકશે: