ઓપરેશન સિંદૂરની વર્ષગાંઠ પર ભારતને મળશે 'સુદર્શન ચક્ર': S-400 નું ચોથું સ્ક્વોડ્રન મે 2026 સુધીમાં પહોંચશે, પાકિસ્તાન અને ચીનના હોશ ઉડશે

S-400 Missile System: ભારતની સુરક્ષા વ્યવસ્થાને લઈને એક અત્યંત મહત્વપૂર્ણ અને રાહતદાયક સમાચાર સામે આવ્યા છે. 'ઓપરેશન સિંદૂર'માં પાકિસ્તાનની ઊંઘ હરામ કરનાર અને દુશ્મનોના દાંત ખાટા કરનાર S-400 મિસાઈલ સિસ્ટમ હવે વધુ મજબૂત થવા જઈ રહી છે. રશિયાએ સત્તાવાર પુષ્ટિ કરી છે કે ભારતને S-400 એર ડિફેન્સ સિસ્ટમનું ચોથું સ્ક્વોડ્રન મે 2026 સુધીમાં મળી જશે.

આ સમાચાર એટલા માટે પણ ખાસ છે કારણ કે મે મહિનામાં જ ભારતીય સેનાના પરાક્રમ સમાન 'ઓપરેશન સિંદૂર'ની વર્ષગાંઠ પણ આવે છે. એટલું જ નહીં, આ સિસ્ટમનું પાંચમું અને છેલ્લું સ્ક્વોડ્રન વર્ષ 2027માં ભારત પહોંચશે.

ઓપરેશન સિંદૂર અને S-400નો પાવર

તમને જણાવી દઈએ કે મે 2025માં ભારતે 'ઓપરેશન સિંદૂર' હાથ ધર્યું હતું. આ ઓપરેશન એપ્રિલ 2025માં પહેલગામમાં થયેલા આતંકી હુમલાનો જડબાતોડ જવાબ હતો, જેમાં ભારતના 26 નાગરિકો માર્યા ગયા હતા. ભારતે જવાબી કાર્યવાહી કરતા પાકિસ્તાનમાં 9 આતંકી ઠેકાણાઓ ધ્વસ્ત કર્યા હતા.

આ ઓપરેશનમાં S-400 સિસ્ટમે ગેમ ચેન્જરની ભૂમિકા ભજવી હતી. વાયુસેના પ્રમુખના જણાવ્યા અનુસાર, આ સિસ્ટમે 300 કિમી દૂરથી જ પાકિસ્તાનના 5 ફાઈટર જેટ્સ અને એક મોટા AEW&C એરક્રાફ્ટને તોડી પાડ્યા હતા. પાકિસ્તાની હવાઈ હુમલાઓને નિષ્ફળ બનાવવામાં આ 'સુદર્શન ચક્ર' ભારતમાં S-400નું નામ એ મહત્વનો ભાગ ભજવ્યો હતો.

S-400 (સુદર્શન ચક્ર) શું છે અને શા માટે ખાસ છે?

S-400 ટ્રાયમ્ફ દુનિયાની સૌથી એડવાન્સ 'સર્ફેસ-ટુ-એર' મિસાઈલ સિસ્ટમ માનવામાં આવે છે. તે એક સાથે અનેક કામો કરી શકે છે: