Ram Navami 2024: ક્યારે છે રામ નવમી? અયોધ્યામાં સૂર્ય કિરણોથી થશે ભગવાન રામલલાને તિલક

Ram Navami 2024: 22 જાન્યુઆરીએ રામ મંદિરના અભિષેક બાદથી અહીં ભક્તોની ભારે ભીડ છે. રામ મંદિરમાં દરરોજ વિવિધ સાંસ્કૃતિક કાર્યક્રમો થઈ રહ્યા છે. ઋતુ પ્રમાણે રામલલાને પ્રસાદ ચઢાવવામાં આવી રહ્યો છે, તેમને અઠવાડિયાના અલગ-અલગ દિવસો અનુસાર શણગારવામાં આવી રહ્યા છે. હવે આવનારો સમય અયોધ્યામાં વધુ ખાસ બનવાનો છે. તેનું કારણ છે રામ જન્મોત્સવ 17મી એપ્રિલે રામનવમીના રોજ યોજાનાર છે. આ વખતે રામનવમી પર અયોધ્યામાં દિવાળી જેવો માહોલ જોવા મળશે. રામનવમી પર શ્રી રામ જન્મભૂમિ ખાતે ભવ્ય કાર્યક્રમ યોજાશે. આ પ્રસંગનો એક વિશેષ ભાગ ભગવાન રામનો સૂર્ય અભિષેક કરવાની યોજના છે.

સૂર્યકિરણોથી અભિષેક કરવામાં આવશે

CBRI રૂરકીના વૈજ્ઞાનિકે પ્રભુ રામના સૂર્ય અભિષેકનું આયોજન કર્યું છે. આ અંતર્ગત રામનવમીના દિવસે બપોરે સૂર્યના કિરણો ભગવાન રામની મૂર્તિના કપાળ પર પડશે. લગભગ 6 મિનિટ સુધી સૂર્યના કિરણો દ્વારા રામલલાનું તિલક લગાવવામાં આવશે. આ માટે ખાસ ટેકનોલોજીનો ઉપયોગ કરવામાં આવશે. જેના કારણે સૂર્યના કિરણો ગર્ભગૃહની અંદર પહોંચશે અને ભગવાન રામના મસ્તક પર પડશે. આ માટે ઓપ્ટો-મિકેનિકલ સિસ્ટમ દ્વારા સૂર્યના કિરણોને રામલલાની મૂર્તિ સુધી પહોંચાડવામાં આવશે.

રામ નવમી 2024