ટીમ ઈન્ડિયાએ રચ્યો નવો ઈતિહાસ: T20 ઈન્ટરનેશનલ ક્રિકેટમાં 200 મેચ જીતનારી દુનિયાની પહેલી ટીમ બની

ભારતીય ક્રિકેટ ટીમે T20 ઈન્ટરનેશનલ ક્રિકેટમાં એક એવો મોટો રેકોર્ડ પોતાના નામે કર્યો છે, જે દુનિયાની અન્ય કોઈ ટીમ હજુ સુધી કરી શકી નથી. 22 સપ્ટેમ્બરના રોજ રમાયેલી એક અત્યંત રોમાંચક મેચમાં જાપાનને હરાવીને ભારતે T20 ક્રિકેટમાં પોતાની 200મી જીત નોંધાવી છે.

આ શાનદાર જીત સાથે જ ભારત T20 ઈન્ટરનેશનલ ક્રિકેટમાં પૂરી 200 મેચ જીતનારી દુનિયાની પહેલી ટીમ બની ગઈ છે, જેમાં સુપર ઓવરની જીતનો પણ સમાવેશ થાય છે. સૌથી મોટી વાત એ છે કે ભારતે આ ઐતિહાસિક મુકામ માત્ર 291 મેચ રમીને જ હાંસલ કરી લીધો છે.

જાપાન સામે શ્વાસ અધ્ધર કરી દે તેવી જીત

T20 ઈન્ટરનેશનલ ક્રિકેટમાં ભારત માટે આ 200મી જીત બિલકુલ સરળ ન હતી. ખરાબ હવામાન અને વરસાદના કારણે આ મેચ માત્ર 5-5 ઓવરની જ રમાડવામાં આવી હતી.પ્રથમ બેટિંગ કરતા ભારતીય ટીમે 5 ઓવરમાં 32 રન બનાવ્યા હતા.

જેના જવાબમાં જાપાનની ટીમ પૂરા પ્રયાસો છતાં 30 રન જ બનાવી શકી હતી.આ રીતે ભારતે આ રોમાંચક મેચ માત્ર 2 રનથી જીતી લીધી અને 200 જીતનો મોટો રેકોર્ડ પોતાના નામે કરી લીધો. હવે ટીમ ઈન્ડિયા આગામી સમયમાં એશિયન ગેમ્સમાં રમતી જોવા મળશે.

2006થી શરૂ થઈ હતી જીતની શાનદાર સફર

ભારતે પોતાની T20 ક્રિકેટની સફરની શરૂઆત વર્ષ 2006માં સાઉથ આફ્રિકા સામે રમીને કરી હતી. ચાલો જોઈએ ભારતની જીતની આ ઐતિહાસિક સફરના મુખ્ય પડાવો: