PM Modi in Sikkim: સિક્કિમના પ્રવાસે ગયેલા PM મોદીનો અનોખો અંદાજ, ગંગટોકમાં બાળકો સાથે રમી ફૂટબોલની રમત

PM મોદી સોમવારે સાંજે જ્યારે ગંગટોક પહોંચ્યા ત્યારે તેમનું ખૂબ જ ઉષ્માભર્યું સ્વાગત કરવામાં આવ્યું હતું. હેલીપેડથી લઈને લોકભવન સુધીના રસ્તા પર હજારોની સંખ્યામાં લોકો ઉમટી પડ્યા હતા. લોકોનો આટલો ઉત્સાહ જોઈને PM મોદીએ પણ ગાડીમાંથી બહાર આવીને સૌનું અભિવાદન ઝીલ્યું હતું.

આજના કાર્યક્રમો અને સિક્કિમ માટે મોટી ભેટ

આજે સિક્કિમના 50મા સ્થાપના દિવસના સમાપન સમારોહમાં PM મોદી મુખ્ય અતિથિ તરીકે હાજરી આપવાના છે. આ મુલાકાત દરમિયાન તેઓ રાજ્યને અનેક મોટી ભેટ આપશે:

વિકાસ યોજનાઓ: PM મોદી સિક્કિમ માટે 4,000 કરોડ રૂપિયાથી વધુની વિવિધ વિકાસ યોજનાઓનું લોકાર્પણ અને શિલાન્યાસ કરશે.

મૈત્રી મંજરી પાર્ક: તેઓ ગંગટોકમાં નવનિર્મિત 'સ્વર્ણ જયંતિ મૈત્રી મંજરી પાર્ક'નું નિરીક્ષણ કરશે, જે રાજ્યના પુષ્પ વારસાને દર્શાવે છે.

પાલજોર સ્ટેડિયમ: અહીં આયોજિત ભવ્ય સમાપન સમારોહમાં PM મોદી રાજ્યના લોકોને સંબોધિત કરશે.

ગયા વર્ષની અધૂરી મુલાકાત આજે પૂર્ણ થઈ

નોંધનીય છે કે સિક્કિમના 50 વર્ષની ઉજવણીના ઉદ્ઘાટન પ્રસંગે પણ ગયા વર્ષે PM મોદી આવવાના હતા. જોકે, તે સમયે ખરાબ હવામાનને કારણે તેમનું હેલિકોપ્ટર ઉતરી શક્યું નહોતું અને તેમણે સિલિગુડીથી વીડિયો કોન્ફરન્સ દ્વારા કાર્યક્રમમાં હાજરી આપી હતી. આ વર્ષે PM મોદીએ જાતે હાજર રહીને સિક્કિમના આ ઐતિહાસિક પર્વની ઉજવણીને વધુ ખાસ બનાવી દીધી છે.

આ પણ વાંચો-NSE નો નવો રેકોર્ડ: દેશમાં રોકાણકારોની સંખ્યા 13 કરોડને પાર, દર 4 માંથી એક મહિલા- જાણો ગુજરાત કયા ક્રમે છે?