મોસ્ટ વેલ્યુએબલ સેલિબ્રિટીની લિસ્ટમાં કોહલી ‘વન ડાઉન’, જાણો કોણ કરી રહ્યું છે ઓપનિંગ?

વર્ષ 2022માં દેશના મોસ્ટ વેલ્યુએબલ સ્ટાર્સની યાદી જાહેર કરવામાં આવી છે. આ યાદી અનુસાર ભારતીય ટીમના પૂર્વ કેપ્ટન અને સ્ટાર ક્રિકેટર વિરાટ કોહલી મોસ્ટ વેલ્યુએબલ સ્ટાર્સની યાદીમાં પહેલા નંબરથી બીજા નંબર પર સરકી ગયો છે. તમને જણાવી દઈએ કે ભારતીય ક્રિકેટ ટીમના પૂર્વ કેપ્ટન વિરાટ કોહલી લાંબા સમયથી ખરાબ ફોર્મ સાથે સંઘર્ષ કરી રહ્યા હતા, જેના કારણે તેની બ્રાન્ડ વેલ્યુને નુકસાન થયું હતું અને તેમાં ઘટાડો નોંધાયો હતો. આ યાદી કન્સલ્ટિંગ ફર્મ ક્રોલ દ્વારા જારી કરવામાં આવી છે.

ભારતની સૌથી મૂલ્યવાન સેલિબ્રિટી કોણ?

બોલિવૂડનો ફેમસ એક્ટર રણવીર સિંહ દેશની સૌથી કીમતી સેલિબ્રિટી બની ગયો છે. રણવીર સિંહે પૂર્વ ભારતીય કેપ્ટન વિરાટ કોહલીને પાછળ છોડીને આ સ્થાન કબજે કર્યું છે. કન્સલ્ટિંગ ફર્મ ક્રોલ દ્વારા જાહેર કરવામાં આવેલા રિપોર્ટમાં એ વાત સામે આવી છે કે કોહલીની બ્રાન્ડ વેલ્યુમાં ઘટાડો થયો છે. રિપોર્ટ અનુસાર, વર્ષ 2021માં કોહલીની બ્રાન્ડ વેલ્યુ 18.57 મિલિયન ડોલર હતી, જે વર્ષ 2022માં ઘટીને 17.79 મિલિયન રૂપિયા થઈ ગઈ છે. તેના પ્રથમ વર્ષ 2020માં કોહલીની બ્રાન્ડ વેલ્યુ 23.77 મિલિયન ડોલર હતી. એટલે કે કોહલીની બ્રાન્ડ વેલ્યુમાં સતત બીજા વર્ષે ઘટાડો જોવા મળ્યો છે.

રણવીર સિંહની બ્રાન્ડ વેલ્યુ કેટલી?