Get App

World War 3 Alert: 2026માં આ 5 ઠેકાણેથી ભડકી શકે છે ત્રીજા વિશ્વયુદ્ધની આગ, ભારત-પાકિસ્તાનનું નામ પણ લિસ્ટમાં

World War 3 prediction 2026: શું 2026માં ત્રીજું વિશ્વયુદ્ધ શરૂ થશે? એક્સપર્ટ્સના મતે દુનિયાના આ 5 વિસ્તારોમાં તણાવ ચરમસીમા પર છે. ભારત-પાકિસ્તાન અને ગ્રીનલેન્ડ સહિત કયા દેશો છે લિસ્ટમાં? જાણો વિગતે રિપોર્ટ.

MoneyControl Newsઅપડેટેડ Feb 03, 2026 પર 2:09 PM
World War 3 Alert: 2026માં આ 5 ઠેકાણેથી ભડકી શકે છે ત્રીજા વિશ્વયુદ્ધની આગ, ભારત-પાકિસ્તાનનું નામ પણ લિસ્ટમાંWorld War 3 Alert: 2026માં આ 5 ઠેકાણેથી ભડકી શકે છે ત્રીજા વિશ્વયુદ્ધની આગ, ભારત-પાકિસ્તાનનું નામ પણ લિસ્ટમાં
ભારત અને પાકિસ્તાન વચ્ચેનો તણાવ આમ તો દાયકાઓ જૂનો છે, પરંતુ ગયા વર્ષે મે મહિનામાં 4 દિવસ સુધી ચાલેલા સૈન્ય સંઘર્ષે સંબંધોમાં વધુ કડવાશ ભરી દીધી છે. સીઝફાયર હોવા છતાં બંને દેશો તરફથી આક્રમક નિવેદનબાજી ચાલુ જ છે.

World War III Prediction: અત્યારે વર્ષ 2026 ચાલી રહ્યું છે અને દુનિયાભરના રક્ષા નિષ્ણાતો એક મોટી ચિંતા વ્યક્ત કરી રહ્યા છે. શું આપણે ત્રીજા વિશ્વયુદ્ધના ઉંબરે ઊભા છીએ? મોટી મહાસત્તાઓના મનસ્વી વર્તનને કારણે આંતરરાષ્ટ્રીય નિયમો નબળા પડી રહ્યા છે અને તેના કારણે દુનિયાના પાંચ ચોક્કસ વિસ્તારોમાં યુદ્ધની ચિનગારી ભડકવાનો ડર છે.

વર્તમાન વર્ષ 2026ના પહેલા મહિનામાં જ દુનિયાના અલગ-અલગ ખૂણે તણાવ જોવા મળ્યો છે. એક તરફ ઈરાનમાં અમેરિકાના હુમલાનો ડર છે, તો બીજી તરફ ગ્રીનલેન્ડ પર કબ્જો કરવાના અમેરિકન પ્લાને યુરોપનું ટેન્શન વધારી દીધું છે. આ બધાની વચ્ચે રશિયા-યુક્રેન યુદ્ધ તો ચાલુ જ છે અને એશિયામાં ભારત-પાકિસ્તાન વચ્ચેની તંગદિલી પણ ઓછી થઈ નથી. ચાલો જાણીએ એવા 5 'ફ્લેશ પોઈન્ટ' વિશે જ્યાંથી 2026માં મહાયુદ્ધ શરૂ થઈ શકે છે.

1. ગ્રીનલેન્ડનું નવું સંકટ

ગયા વર્ષ સુધી કોઈએ વિચાર્યું પણ નહોતું કે શાંત ગણાતું ગ્રીનલેન્ડ યુદ્ધનું મેદાન બની શકે છે. પરંતુ ડોનાલ્ડ ટ્રમ્પનું કહેવું છે કે અમેરિકાને ગ્રીનલેન્ડ જોઈએ છે. એટલું જ નહીં, પોતાની આ ઈચ્છા પૂરી કરવા માટે તેમણે આડકતરી રીતે સૈન્ય બળનો ઉપયોગ કરવાની પણ ધમકી આપી દીધી છે. તેઓ સતત ડેનમાર્ક અને યુરોપિયન દેશોને દબાવી રહ્યા છે.

જવાબમાં યુરોપિયન દેશોએ પણ ગ્રીનલેન્ડની સુરક્ષા માટે ત્યાં પોતાની સેના તૈનાત કરી છે. જોકે, અહીં સીધું યુદ્ધ ફાટી નીકળવાની શક્યતા ઓછી છે, પરંતુ જો અમેરિકન અને યુરોપિયન સેના વચ્ચે નાનું અમથું પણ ઘર્ષણ થયું, તો એટલાન્ટિક પારના સંબંધો તૂટી શકે છે અને મામલો ગંભીર બની શકે છે.

2. રશિયા-યુક્રેન યુદ્ધ: ખતરનાક વળાંક પર

રશિયા અને યુક્રેન વચ્ચેનું યુદ્ધ ફેબ્રુઆરીમાં તેના 5મા વર્ષમાં પ્રવેશી ચૂક્યું છે. 2025માં બંને દેશો વચ્ચે થયેલી શાંતિ મંત્રણાઓ નિષ્ફળ ગઈ હતી. હાલ રશિયા ધીમે-ધીમે આગળ વધી રહ્યું છે, જ્યારે યુક્રેન મોટા હવાઈ હુમલાઓ સહન કરીને પણ અડીખમ ઊભું છે. જોકે, 2026માં આ સંઘર્ષ વધુ વકરી શકે છે.

બધા સમાચાર

+ વધુુ વાંચો