Xiaomi 18નો ધડાકો, દુનિયાના સૌથી પાવરફુલ પ્રોસેસર અને 200MP કેમેરા સાથે થશે લોન્ચ, જાણો શું હશે ખાસ

સ્માર્ટફોન કંપની Xiaomi તેના ગ્રાહકો માટે કંઈક મોટું પ્લાન કરી રહી છે. Xiaomi ની આગામી ફ્લેગશિપ સીરીઝ 'Xiaomi 18' ને લઈને મોટા સમાચાર સામે આવ્યા છે. રિપોર્ટ્સનું માનીએ તો, આ ફોન દુનિયાના સૌથી તાકાતવર અને ઝડપી પ્રોસેસર સાથે લોન્ચ થઈ શકે છે. જો તમે હાઈ-પરફોર્મન્સ વાળા ફોનની રાહ જોઈ રહ્યા હોવ, તો આ સમાચાર તમારા માટે છે.

દુનિયાનું સૌથી ફાસ્ટ પ્રોસેસર મળશે?

તાજેતરમાં આવેલી એક લીક મુજબ, Xiaomi 18 સીરીઝમાં Qualcomm Snapdragon 8 Elite Gen 6 Pro ચિપસેટનો ઉપયોગ કરવામાં આવી શકે છે. આ પ્રોસેસર હજુ માર્કેટમાં આવ્યું નથી, પણ તે ટેક્નોલોજીની દુનિયામાં ધૂમ મચાવી શકે છે.

એવું કહેવામાં આવી રહ્યું છે કે આ નવું પ્રોસેસર લેટેસ્ટ 2nm (નેનોમીટર) ટેક્નોલોજી પર કામ કરશે. સરળ ભાષામાં કહીએ તો, આ પ્રોસેસર અગાઉના Snapdragon 8 Elite Gen 5 કરતા 30 થી 40 ટકા વધુ ઝડપી હશે. એટલે કે ફોનની સ્પીડ અને બેટરી લાઈફ બંનેમાં જબરદસ્ત સુધારો જોવા મળશે.

કિંમતમાં થઈ શકે છે વધારો

ચીની ટિપ્સ્ટર 'ડિજિટલ ચેટ સ્ટેશન' (DCS) ના દાવા મુજબ, Xiaomi એ આ પાવરફુલ ચિપસેટને પહેલાથી જ રિઝર્વ કરી લીધા છે જેથી પ્રોડક્શનમાં કોઈ મોડું ન થાય. જોકે, આ નવું પ્રોસેસર ઘણું મોંઘું હોઈ શકે છે. જેના કારણે Xiaomi 18 સીરીઝની કિંમત જૂની Xiaomi 17 સીરીઝ કરતા વધારે હોવાની પૂરી શક્યતા છે.

ક્યારે થશે લોન્ચ?