Auto sale figure: ટુ-વ્હીલરના સેલિંગમાં મોટો ઉછાળો, કારનું સેલિંગ ઘટ્યું

ભારતમાં પેસેન્જર વ્હીકલનું જથ્થાબંધ સેલિંગ જુલાઈમાં વાર્ષિક ધોરણે 2.5 ટકા ઘટીને 3,41,510 યુનિટ થયું છે. મોટર વ્હીકલ બિઝનેસ સંસ્થા સિયામે બુધવારે આ માહિતી આપી. જુલાઈ 2023માં પેસેન્જર વ્હીકલ (PV)નું જથ્થાબંધ સેલિંગ 3,50,355 યુનિટ હતું. સોસાયટી ઓફ ઈન્ડિયન ઓટોમોબાઈલ મેન્યુફેક્ચરર્સ (SIAM) દ્વારા બહાર પાડવામાં આવેલા ડેટા અનુસાર, યુટિલિટી વ્હીકલએ પેસેન્જર વ્હીકલના સેલિંગમાં વધારો કરવાનું ચાલુ રાખ્યું છે, જેનું સેલિંગ 4.1 ટકા વધીને 1,88,217 યુનિટ થયું હતું, જે જુલાઈ 2023માં 1,80,831 યુનિટ હતું. . જોકે, પેસેન્જર કારનું સેલિંગ 12 ટકા ઘટીને 96,652 યુનિટ થયું હતું જે ગયા વર્ષના સમાન મહિનામાં 1,09,859 યુનિટ હતું. SIAM ડેટા અનુસાર, દ્વિચક્રી વ્હીકલનું જથ્થાબંધ સેલિંગ ગયા મહિને 12.5 ટકા વધીને 14,41,694 યુનિટ થયું હતું, જે જુલાઈ 2023માં 12,82,054 યુનિટ હતું.

ટુવ્હીલરના જથ્થાબંધ સેલિંગમાં વધારો

જુલાઇ 2024માં મોટરસાઇકલનું જથ્થાબંધ સેલિંગ 4.1 ટકા વધીને 8,50,489 યુનિટ થયું હતું જે જુલાઈ 2023માં 8,17,206 યુનિટ હતું. ગયા મહિને સ્કૂટરનું સેલિંગ 29.2 ટકા વધીને 5,53,642 યુનિટ થયું હતું, જે એક વર્ષ અગાઉના સમાન સમયગાળામાં 4,28,640 યુનિટ હતું. ડેટા અનુસાર, થ્રી-વ્હીલરનું જથ્થાબંધ સેલિંગ પણ જુલાઈ 2023માં 56,204 યુનિટથી 5.1 ટકા વધીને 59,073 યુનિટ થયું છે. SIAMના પ્રમુખ વિનોદ અગ્રવાલે એક નિવેદનમાં જણાવ્યું હતું કે, "થ્રી-વ્હીલર અને ટુ-વ્હીલર સેગમેન્ટ સારું પ્રદર્શન કરી રહ્યા છે, પરંતુ જુલાઈ 2023ની સરખામણીએ જુલાઈ 2024માં પેસેન્જર વ્હીકલ અને કોમર્શિયલ વ્હીકલના સેલિંગમાં થોડો ઘટાડો થયો છે."

ગ્રોથને ફરીથી વેગ મળે તેવી શક્યતા

જો કે, તેમણે જણાવ્યું હતું કે સરેરાશથી વધુ વરસાદ અને આગામી તહેવારો નજીકના ગાળામાં ગ્રોથને ફરીથી વેગ આપે તેવી શક્યતા છે. "વધુમાં, ઇન્ફ્રાસ્ટ્રક્ચર અને ગ્રામીણ ક્ષેત્ર માટે નાણાકીય સહાય સાથે એકંદર આર્થિક ગ્રોથ પર ભાર મૂકતી બજેટ જાહેરાતો મધ્યમ ગાળામાં ઓટોમોટિવ ક્ષેત્ર માટે સારી રીતે સંકેત આપશે," અગ્રવાલે જણાવ્યું હતું.

આ પણ વાંચો - જમ્મુ-કાશ્મીરના ડોડામાં સેનાના કેપ્ટન શહીદ, આતંકવાદીઓ અને સુરક્ષા દળો વચ્ચે અથડામણ