Matter Aera ઈલેક્ટ્રિક ટુ-વ્હીલરના ભાવમાં થશે વધારો, 6 જૂનથી વધશે ભાવ

Matter Aera : અમદાવાદ સ્થિત ઈલેક્ટ્રિક ટુ-વ્હીલર બનાવતી કંપની મેટરએ તેની ઈ-મોટરસાઈકલના ભાવમાં વધારો કરવાની જાહેરાત કરી છે. Matter Aera ઈલેક્ટ્રિક બાઈક ભારતમાં આ વર્ષે માર્ચમાં 1.44 લાખ રૂપિયાની પ્રારંભિક કિંમતે લૉન્ચ કરવામાં આવી હતી. હવે, કેન્દ્ર સરકાર દ્વારા FAME 2 સબસિડીમાં કાપને કારણે, કંપની આવતા મહિને તેના ઉત્પાદનોના ભાવમાં વધારો કરવા જઈ રહી છે. અહીં અમે જણાવ્યું છે કે કિંમતો કેટલી વધશે.

કેટલી વધશે કિંમત

મેટર એરા બે વેરિઅન્ટમાં ઉપલબ્ધ છે - 5000 અને 5000+. FAME 2 સબસિડીમાં ઘટાડો થવાને કારણે કંપની 6 જૂનથી આ ઈલેક્ટ્રિક બાઈકની કિંમતમાં વધારો કરશે. Aira 5000 વેરિઅન્ટની કિંમત અગાઉ રૂ. 1.44 લાખ હતી, જે હવે રૂ. 30,000ના વધારા સાથે રૂ. 1.74 લાખ થશે.

એ જ રીતે Aera 5000+ની કિંમતમાં પણ રૂ. 30,000નો વધારો થશે અને તેની કિંમત રૂ. 1.54 લાખથી વધીને રૂ. 1.84 લાખ થશે. મેટરના જણાવ્યા અનુસાર, સંભવિત ગ્રાહકો કે જેઓ 5 જૂન સુધીમાં એરાને પ્રી-બુક કરશે તેઓ 20,000 રૂપિયાના કોમ્પ્લિમેન્ટરી કેર પેકેજ સાથે લોન્ચ કિંમતે ઉત્પાદન મેળવી શકશે.