નીતિન ગડકરીએ કહ્યું- ભારત બનશે વિશ્વનું નંબર-1 કાર માર્કેટ, હાલ ભારતથી આગળ છે અમેરિકા અને આ દેશ

કેન્દ્રીય માર્ગ પરિવહન અને રાજમાર્ગ મંત્રી નીતિન ગડકરીએ ઓટોમોબાઈલ બિઝનેસમાં અત્યાર સુધીની સૌથી વધુ 4.5 કરોડ રોજગારીના સર્જનનો ઉલ્લેખ કરતા જણાવ્યું હતું કે ભારતનો ઓટોમોબાઈલ બિઝનેસ આગામી પાંચ વર્ષમાં વિશ્વમાં પ્રથમ ક્રમે આવશે. અહીં વાહન ડીલર્સ સંસ્થા FADAના એક કાર્યક્રમને સંબોધતા ગડકરીએ કહ્યું કે ગ્લોબલ લેવલે ભારતીય વાહનોની માંગ ખૂબ જ વધારે છે. તેમણે કહ્યું કે, ભારતીય ઓટોમોબાઈલ બિઝનેસનું કદ હવે 22 લાખ કરોડ રૂપિયાનું છે. મને વિશ્વાસ છે કે પાંચ વર્ષમાં ભારતીય ઓટોમોબાઈલ બિઝનેસ વિશ્વમાં નંબર વન બનશે. યુએસ ઓટોમોબાઈલ બિઝનેસનું કદ હાલમાં રુપિયા 78 લાખ કરોડ છે, ત્યારબાદ ચીન (રુપિયા 47 લાખ કરોડ) અને ભારત (રુપિયા 22 લાખ કરોડ) આવે છે.

ઝડપથી વિકસી રહ્યો છે ભારતનો ઓટો બિઝનેસ

ગડકરીએ કહ્યું કે જ્યારે તેમણે 2014માં પરિવહન મંત્રાલયનો કાર્યભાર સંભાળ્યો ત્યારે ઓટોમોબાઈલ બિઝનેસનું કદ 7.5 લાખ કરોડ રૂપિયા હતું, જે હવે વધીને 22 લાખ કરોડ રૂપિયા થઈ ગયું છે. તેમણે ફેડરેશન ઓફ ઓટોમોબાઈલ ડીલર્સ એસોસિએશન (FADA)ના એક કાર્યક્રમમાં જણાવ્યું હતું કે ઓટોમોબાઈલ બિઝનેસે અત્યાર સુધીમાં 4.5 કરોડ નોકરીઓનું સર્જન કર્યું છે, જે દેશમાં સૌથી વધુ છે. તેમણે કહ્યું, “ઓટોમોબાઈલ બિઝનેસ રાજ્ય સરકાર અને ભારત સરકારને GST (ગુડ્સ એન્ડ સર્વિસ ટેક્સ) ના રૂપમાં મહત્તમ આવક પણ આપી રહ્યો છે. તેમણે કહ્યું કે ભારતમાં ઉત્પાદિત થતા તમામ ટુ-વ્હીલરમાંથી 50 ટકા નિકાસ કરવામાં આવે છે.

હાઇડ્રોજન અને ઇલેક્ટ્રિક વાહનનું પ્રદર્શન