Ola Electric એ તહેવારોની સિઝનમાં શાનદાર કરી શરૂઆત, ઑક્ટોબરમાં માર્કેટ શેર 34% વધ્યો

Ola Electric News: દેશની અગ્રણી પ્યોર પ્લે ઈલેક્ટ્રિક વ્હીકલ (EV) મેન્યુફેક્ચરિંગ કંપની ઓલા ઈલેક્ટ્રીકે તહેવારોની સિઝનની મજબૂત શરૂઆત કરી છે. કંપની 2-વ્હીલર EV સેગમેન્ટમાં તેના પ્રવેશને વધુ મજબૂત બનાવવાની તૈયારી કરી રહી છે. વાહન પોર્ટલના ડેટા અનુસાર ઓક્ટોબરમાં 15,672 વાહનો નોંધાયા હતા, જે બજાર હિસ્સાના લગભગ 34% છે. Ola S1 સ્કૂટર પોર્ટફોલિયો પાછળ સર્વિસ નેટવર્કની મજબૂત ગ્રોથે કંપનીને તેનો બજાર હિસ્સો વધારવામાં મદદ કરી છે.

Ola ઈલેક્ટ્રિક હવે તહેવારોની સિઝનમાં તેના મજબૂત પ્રદર્શનની ગતિ જાળવી રાખવાની યોજના ધરાવે છે.

ઓલા ઈલેક્ટ્રિકે માર્કેટમાં તેની પહોંચ વધારવા માટે ઘણી પહેલ શરૂ કરી છે. ખાસ કરીને ટિયર-2 અને ટિયર-3 શહેરોમાં કંપની તેના વેચાણ પછીના અનુભવને સુધારવા પર ભાર આપી રહી છે. #HyperService અભિયાન હેઠળ, કંપની ડિસેમ્બર 2024 સુધીમાં તેના સેવા કેન્દ્રોની સંખ્યા બમણી કરીને 1,000 કરવાની તૈયારી કરી રહી છે. આ સેવા કેન્દ્રો દ્વારા ગ્રાહકો વધુ સારી ટેકનોલોજી અને વેચાણ પછીનો ઉત્તમ અનુભવ મેળવી શકે છે.

આ સિવાય કંપની નેટવર્ક પાર્ટનર પ્રોગ્રામ દ્વારા 2025 સુધીમાં 10,000 નવા સેલ્સ અને સર્વિસ પાર્ટનર્સ ઉમેરવાની તૈયારી કરી રહી છે. તેના સિવાય, કંપની દેશભરમાં 1 લાખ થર્ડ પાર્ટી મિકેનિક્સને ટ્રેનિંગ આપવાની પણ તૈયારી કરી રહી છે જેથી દેશભરના મિકેનિક્સ ઈવી માટે તૈયાર થઈ શકે.